مۇحتار شەرىم. جەكەمەنشىك كونستيتۋتسيا
الدەقاشان و دۇنيەگە كەتىپ قالعان ءبىر ادام الدىڭىزعا كەلىپ: «پريۆەت!»دەسە قايتەسىز؟ تالىپ قالاسىز، نەمەسە: «قۇرىپ كەت!» دەپ جاعىنا سالىپ قالاسىز... رەسەي پرەمەر- ءمينيسترى پۋتين تالىپ تا قالعان جوق، بىرەۋدىڭ جاعىنا سالىپ تا قالعان جوق، وتكەن عاسىردىڭ «كۇن كوسەمى» ۆلاديمير يليچ لەنيننەن بەزەكتەپ قاشىپ كەلەدى. اڭشىلىقتا جۇرگەن ەدى، ءپۋتيننىڭ دامبالى دىمقىلدانىپ قالا جازدادى، قاشىپ كەلە جاتىپ، قارماق ۇستاپ وتىرعان پرەزيدەنت مەدۆەدوۆتى قاعىپ تا كەتتى. مەدۆەدوۆكە دە جان كەرەك، ورنىنان تۇرا سالىپ، تۇرا قاشتى. ءتىپتى، رەسەي پرەمەرى پۋتيننەن وزىپ كەتتى.
ولار ورمان ىشىندە جۇگىرىپ كەلە جاتسا، ءبىر بۇتاققا باسىن تومەن سالبىراتىپ، قارنىن جالتىراتىپ، اياقتارىنان ءىلىنىپ تۇرعان ميحايل سەرگەەۆيچ گورباچەۆتى كوردى. ءبىر ساتكە بوگەلىپ: «ءسا-سالەمەتسىز بە، سىزگە نە بولعان؟»-دەپ سۇراپ ۇلگەرمەدى، ارتتارىنان قۋىپ كەلە جاتقان لەنيندى كورىپ، ودان ءارى بەزە جونەلدى.
- ەي، پۋتين، توقتا!-دەپ ايقايلادى لەنين. پۋتين جۇگىرىپ كەلە جاتىپ:
- كەشىرىڭىز، ءسىز كىمسىز؟-دەپ سۇرادى.
- لەنيننىڭ ارۋاعىمىن.
- ارۋاق اتاي، نە بولدى؟
- جولدا گورباچەۆتى كوردىڭدەر مە؟
- كوردىك!-دەدى ءسۇرىنىپ كەتىپ، قايتا تۇرعان رەسەي پرەزيدەنتى مەدۆەدوۆ.
- كورسەڭدەر، مەن ورناتقان كەڭەس ۇكىمەتىن قۇردىمعا جىبەرگەن سول!
- ءبىزدى نەمەنەگە قۋىپ كەلەسىز؟-دەدى وكپەسى ءوشىپ، ىشەك قارنى اۋزىنان شىعىپ كەتە جازداعان پۋتين.
- قولدارىڭدى قىسايىن دەپ...
الدەقاشان و دۇنيەگە كەتىپ قالعان ءبىر ادام الدىڭىزعا كەلىپ: «پريۆەت!»دەسە قايتەسىز؟ تالىپ قالاسىز، نەمەسە: «قۇرىپ كەت!» دەپ جاعىنا سالىپ قالاسىز... رەسەي پرەمەر- ءمينيسترى پۋتين تالىپ تا قالعان جوق، بىرەۋدىڭ جاعىنا سالىپ تا قالعان جوق، وتكەن عاسىردىڭ «كۇن كوسەمى» ۆلاديمير يليچ لەنيننەن بەزەكتەپ قاشىپ كەلەدى. اڭشىلىقتا جۇرگەن ەدى، ءپۋتيننىڭ دامبالى دىمقىلدانىپ قالا جازدادى، قاشىپ كەلە جاتىپ، قارماق ۇستاپ وتىرعان پرەزيدەنت مەدۆەدوۆتى قاعىپ تا كەتتى. مەدۆەدوۆكە دە جان كەرەك، ورنىنان تۇرا سالىپ، تۇرا قاشتى. ءتىپتى، رەسەي پرەمەرى پۋتيننەن وزىپ كەتتى.
ولار ورمان ىشىندە جۇگىرىپ كەلە جاتسا، ءبىر بۇتاققا باسىن تومەن سالبىراتىپ، قارنىن جالتىراتىپ، اياقتارىنان ءىلىنىپ تۇرعان ميحايل سەرگەەۆيچ گورباچەۆتى كوردى. ءبىر ساتكە بوگەلىپ: «ءسا-سالەمەتسىز بە، سىزگە نە بولعان؟»-دەپ سۇراپ ۇلگەرمەدى، ارتتارىنان قۋىپ كەلە جاتقان لەنيندى كورىپ، ودان ءارى بەزە جونەلدى.
- ەي، پۋتين، توقتا!-دەپ ايقايلادى لەنين. پۋتين جۇگىرىپ كەلە جاتىپ:
- كەشىرىڭىز، ءسىز كىمسىز؟-دەپ سۇرادى.
- لەنيننىڭ ارۋاعىمىن.
- ارۋاق اتاي، نە بولدى؟
- جولدا گورباچەۆتى كوردىڭدەر مە؟
- كوردىك!-دەدى ءسۇرىنىپ كەتىپ، قايتا تۇرعان رەسەي پرەزيدەنتى مەدۆەدوۆ.
- كورسەڭدەر، مەن ورناتقان كەڭەس ۇكىمەتىن قۇردىمعا جىبەرگەن سول!
- ءبىزدى نەمەنەگە قۋىپ كەلەسىز؟-دەدى وكپەسى ءوشىپ، ىشەك قارنى اۋزىنان شىعىپ كەتە جازداعان پۋتين.
- قولدارىڭدى قىسايىن دەپ...
- نەگە؟-دەپ قالدى قاشىپ كەلە جاتقان مەدۆەدوۆ ىشقىرىن ءبىر كوتەرىپ قويىپ.
- مالادەسسىڭدەر! سەندەر ءۇشىن قۋانىپ كەلەمىن!
- قويىڭىزشى، اتاي...
- سەندەردە بەت جوق ەكەن، سوعان قۋانامىن!
- سپاسيبو...-دەدى پۋتين.
- مەن سياقتى ۇيالمايدى ەكەنسىڭدەر!
- تاعى دا سپاسيبو،-دەدى مەدۆەدوۆ.
- مەدۆەدوۆ، ساعان دا راحمەت، پۋتين دوسىڭدى پرەزيدەنتتىك سايلاۋعا قوسقانىڭ ءۇشىن...
- شارشاپ كەتتىم، «پەرەكۋر» بولسىنشى،-دەپ ءوتىندى پۋتين. ءسويتتى دە، جەرگە وتىرا كەتتى. ونىڭ قاسىنا القىنىپ جەتكەن مەدۆەدوۆ جايعاستى. لەنين قۋىپ جەتتى دە، قاتارلاسىپ وتىردى. پۋتين لەنيننىڭ ارۋاعىنا بارلاي قاراپ، ءجوتكىرىنىپ قويدى. سوسىن:
- سالەمەتسىز بە؟-دەدى تاعى دا.
- سەندەر پرەزيدەنتتىكتى دوپ ەتىپ الدىڭدار. ءسويتۋ كەرەك. ءبىر-بىرلەرىڭە لاقتىرىپ وتىراسىڭدار...
- لەنين اتاي، ايتىڭىزشى، نە ىستەيمىز؟-دەپ مىڭگىرلەدى پۋتين، - حالىق كوتەرىلىپ جاتىر! «ءبارى جاقسى!» دەپ ەكونوميكا مەن ساياساتتا دا الداپ كەلدىڭدەر دەيدى...
- كونستيتۋتسيانى جەكەشەلەندىرىپ الىڭدار!
- يتاك جەكەشەلەندىرىپ العانبىز. مەدۆەدوۆ ەكەۋمىزدىڭ ەلۋ دە ەلۋ اكتسيامىز بار...
- كاددافي سياقتى ءولىپ قالمايمىز با؟-دەپ سۇرادى مەدۆەدوۆ ۇرەيلەنىپ.
- قوي، جامان ءسوز ايتپا!-دەگەن لەنين ونىڭ باسىنا سالىپ قالدى.
- «ورىس كوكتەمى» باستالعانداي...-دەپ كۇرسىندى پۋتين.
- ءبىر كەزدەرى «بارلىق ەلدەردىڭ پرولەتارلارى بىرىگىڭدەر!» دەپ ۇرانداتىپ ەدىم عوي. ەندى «بارلىق ەلدەردىڭ ەسالاڭدارى بىرىگىڭدەر!»
وسىنى ايتىپ تۇرعان لەنيننىڭ ارۋاعى كەرى بۇرىلىپ الىپ، تۇرا قاشتى. اڭ-تاڭ بولعان پۋتين مەن مەدۆەدوۆ جالت قاراپ ەدى، قالىڭ حالىق ءنوپىرى وزدەرىنە قاراي كەلەدى ەكەن... ءبىر كەزدە ولار لەنيننىڭ ارۋاعىنان دا وزا قاشىپ بارا جاتتى... جان دەگەن ءتاتتى-ءى-ءى...
«اباي-اقپارات»
