احمەت بايتۇرسىنۇلىنىڭ تۋعان كۇنىن 5 قىركۇيەكتە اتاپ ءوتۋ ءدəستۇرى ورنىعىپ كەلەدى. جاقىندا ۇكىمەت تاراپىنان اعارتۋشىنىڭ 150 جىلدىق مەرەيتويىن اتاپ ءوتۋ جوسپارى بەكىتىلگەنى تۋرالى حابار شىقتى. بيىلعى جىلى بىزدەر احاڭ تۋرالى بىرنەشە تىڭ قۇجاتتار جاريالاعان بولاتىنبىز.

ءسəتىن سالسا، جاقىندا تاعى بىرنەشە ارحيۆتىك مۇراعاتتى جاريالاماق ويىمىز بار. ول مۇراعاتتار ا.بايتۇرسىنۇلىنىڭ 1896 جىلى جارىق كورگەن پۋبليتسيستيكالىق ماقالالارى جəنە ونىڭ 1904 -1905 جىلدارداعى ومبى كەزەڭىنە قاتىستى جازبا دەرەك كوزدەرى. بۇلاردى 5 قىركۇيەككە، تۋعان كۇنگە ورايلاستىرامىز دەپ جوسپارلاعان ەدىك، بىراق كەيبىر دەرەكتەردى ناقتىلاۋ ماقساتىندا جۇمىستى شەگەرىپ جاتىرمىز.

ا.بايتۇرسىنۇلىنىڭ تۋعان كۇنىن ءبىلىم كۇنى جəنە تىلدەر كۇنى بەلگىلەنگەن قىركۇيەك ايىندا اتالىپ ءوتۋىنىڭ رəمىزدىك سيپاتى بار. سەبەبى ونىڭ قىزمەتى اتالمىش سالالارمەن تىعىز بايلانىستا بولدى. ءبىلىم مەن ءتىلدى قۇرال دەپ باعالاعان احاڭ سول قۇرالداردىڭ وزىق بولۋىن، قوعام پايداسىنا جاراۋىنا اتسالىستى. قۇرالسىز ادام ەڭبەكتى وندىرە المايتىنى سياقتى ءبىلىمسىز ادامنىڭ قارىمى شەكتەۋلى بولاتىنىن ايتتى. ال ء"سوزى جوعالعان جۇرتتىڭ ءوزى دە جوعالادى" دەپ ادامي كاپيتالدى دامىتۋدا، بəسەكەلەستىكتى جولعا قويۋدا ءتىل فاكتورىنىڭ ماڭىزدى ەكەنىن مەگزەيدى. جوعالعان جۇرتتىڭ əلەمدىك بəسەكەدە، تالاس-تارتىستا ورنى جوق ەكەنى بەلگىلى. شىنىندا، جوق جۇرتتىڭ بəسەكەدە نە جۇمىسى بار؟ ول سول جوق كۇيىندە قالا بەرەدى. دەمەك، بəسەكەگە قابىلەتتى بولۋ ءوز ءتىلىڭدى ءتۇرلى فاكتورلار (عىلىم، تەحنولوگيا، مəدەنيەت) ارقىلى دامىتۋ ارقىلى جۇزەگە اسادى.

"بايتۇرسىنۇلى تاعىلىمى" دەگەنىمىز ءوزىمىز وسىلاي وي تۇيۋدەن قۇرالاتىنى ءسوزسىز.

الماسبەك ابسادىقتىڭ جازباسى

Abai.kz