"ۋران كەنىندە كۇزەت بولماعانىن پايدالانىپ، كەندەگى قاۋىپتى ايماقتاردى قورشاپ تۇراتىن تەمىر شارباقتاردى جۇلىپ اكەتكەن. عيماراتتاعى قۇرىلىس ماتەريالدارى مەن ءتۇرلى-ءتۇستى مەتاللدار دا ۇرلانعان", – دەلىنگەن حابارلامادا.
دەپارتامەنت مالىمەتىنشە، ايىرتاۋ مەن مۇسىرپەوۆ اۋداندارىندا التى ۋران كەنى بار. ونداعى جۇمىستىڭ ءبارى توقتاتىلعان، بىراق بيلىك قاۋىپسىزدىك شارالارىن قولدانباي وتىر.
2018 جىلى وبلىس اكىمدىگى 2019-2020 جىلدارى قورشاۋدى قالپىنا كەلتىرۋ جۇمىسىن جۇرگىزەمىز دەپ شەشىم قابىلداعان. بىراق مۇنىڭ تەك جارتىسى عانا ورىندالعان. اتالعان ەكى اۋداننىڭ بيلىگى كەن اينالاسىن قورشاۋعا قارجى ءبولۋ جونىندە ءوتىنىش تۇسىرمەگەن.
Pszsk.info سايتىنىڭ جازۋىنشا، 2 قىركۇيەكتە سوتقا ايىرتاۋ اۋدانىنداعى كەندى قاراۋسىز دەپ تانۋ جونىندە ءوتىنىش تۇسكەن. وسىدان كەيىن جەرگىلىكتى بيلىك كەن اينالاسىن قايتا قورشاۋى مۇمكىن. بۇگىندە بۇل ايماققا كەز كەلگەن ادام بارا بەرەدى.
باسىلىمنىڭ جازۋىنشا، بۇل ايماقتاعى رادياتسيا قالىپتى كورسەتكىشتەن اسپايدى.
Abai.kz
