ەكىنشىدەن، قوعام دامىسىن دەسەك، ساياسي الاڭدا جاساندى ەمەس، شىناي̆ى تالاس-تارتىس بولۋ كەرەك. شىناي̆ى تارتىس كەم دەگەندە ەكى بىردەي̆ كۇشتىڭ اراسىندا جۇرەدى. ەلىمىزدە بۇگىن ەكىنشى كۇشتىڭ زاڭدى تۇردە تالاسقا تۇسۋىنە ەشقانداي̆ جاعداي̆ جاسالماعان، بيلىك ەشكىمگە مۇمكىندىك بەرمەي̆ وتىر. بىزگە ۇسىنىپ وتىرعانى – ەشبىر التەرناتيۆاسىز قوي̆ىلىم، «نۇر وتان» وسىنى تالاس-تارتىس دەپ كورسەتىپ الەك. نە ءبىزدى سىناپ وتىرا بەر، نە پارتيامىزعا مۇشە بول دا، تالاسقا قاتىس دەگەن ۇستانىم. توقتاي̆ تۇرىڭىز، ەگەر ازاماتتاردىڭ پىكىرى «نۇر وتاننىڭ» باعىتىمەن ۇشتاسپاسا، وندا قالاي̆ بولماق؟ مۇنى دا تارتىس دەي̆مىز بە؟

مەنىڭ ەكى قىزىم بار. ادەتتە، بالالار ءبىر نارسەگە تالاسىپ، بولىسە الماي̆ جاتسا، كىمدىكى ەكەنىن انىقتاۋ ءۇشىن «سۋ-لي-فا» وي̆نىن وي̆نادى. بارىڭىزگە تانىس وي̆ىن. قاعاز، قاي̆شى، تاس. بۇل تالاستا ادىلدىك شامالى بولسا دا بار، وي̆تكەنى كىمنىڭ قۇرالى ەكىنشىسىن جەڭسە، سول جەڭگەن بولىپ ەسەپتەلەدى.

مەن كەي̆دە ەرمەك ءۇشىن مىناداي̆ «چيتيڭ» جاساي̆مىن: قىزدارىممەن ولاردى الداۋسىراتىپ وي̆ناۋ ءۇشىن «سۋ-لي-فانى» ءوزىم ۇي̆ىمداستىرامىن. سول قولىم ۇلكەن قىزىم اسىلجاننىڭ، ال وڭ قولىم كىشكەنتاي̆ قىزىم نەسىبەلىنىڭ اتىنان وي̆ناي̆دى دەپ ەرەجە شىعارامىن. ءۇش رەتكە دەي̆ىن وي̆ناي̆مىز، كىم ۇتسا، ءتاتتى سونىكى بولادى دەي̆مىن. ۇلكەن قىزىم: «پاپا، بۇل جەردە ادىلەتسىزدىك بار عوي̆» دەپ الدەڭەنى اڭعارعانداي̆ بولادى. بىراق مەن: «جوق، ەكەۋىڭنىڭ دە جەڭۋگە شانستارىڭ تەڭ» دەپ اي̆لاعا سالىپ، كوندىرىپ الامىن.

العاشىندا ەكى قول ءبىر-ءبىرىن جەڭە الماي̆، تەپە-تەڭ ءتۇسىپ جاتقانداي̆ قىلامىن. ءوز قولىم عوي̆، نە كورسەتەتىنىمدى ءوزىم بىلەم، رەجيسسەرى ءوزىم. ۇشىنشىسىنە كەلگەندە عانا ۇلكەنى، نە كىشكەنتاي̆ى (مەنىڭ تاڭداۋىممەن ءھام قالاۋىممەن) جەڭىپ كەتەدى. ونى قىزدارىم شىناي̆ى تالاس-تارتىس سياقتى كورىپ، سەنىپ قاراپ وتىرادى. ءبىرى ۇتىپ كەتسە، ەكىنشىسى بۇلدانادى.

پرايمەريزدى دە بۇلار سولاي جاساپ وتىر. سىزدە ەشقانداي تاڭداۋ جوق، پارتيانىڭ اينالاسىندا جۇرگەن، نە مەملەكەتتەن بەنەفيت كورىپ وتىرعانداردى ۇمىتكەر بولۋعا كوندىرىپ، ولاردى حالىق الدىنا شىعارىپ، تاڭداۋ يلليۋزياسىن جاساپ قويىپتى. ءسىز ءتىپتى ءوز قولىڭىزبەن «سۋ-لي-فانى» دا ويناي الماي وتىرسىز. پارتيا سىزگە ءوز قولىن ۇسىنىپ، ول ءسىزدىڭ اتىڭىزدان وينايدى، ءبارى ءادىل بولادى دەپ سەندىرۋدە.
⠀
نە دەگەن تسيرككە توزگىش ەدىك.
⠀
P.S. قىزدارىم ءۇشىن ۋايىمداپ جاتقاندارعا ايتارىم: ادىلەتسىز «سۋ-لي-فا» ناتيجەسىندە ەكەۋىنە دە ءتاتتىنى بەرەمىن. مەن مۇنى قىزدارىما ولار «چيتيڭ» دەگەندى جاستايىنان اجىراتىپ ۇيرەنسىن دەگەن نيەتپەن جاسادىم.

باقىتجان بۇقاربايدىڭ جازباسى

Abai.kz