قازاقستاندا كوروناۆيرۋس جۇقتىرعان 121 ادامنىڭ احۋالى ناشار. سونىڭ ىشىندە 22 ناۋقاستىڭ جاعدايى اسا قاتتى اۋىر دەپ باعالانعان. بۇل تۋرالى قر دەنساۋلىق ساقتاۋ مينيسترلىگى مالىمدەدى. 

«قازىرگى ۋاقىتتا كوروناۆيرۋستىق ينفەكتسيادان 4 557 ادام ەم قابىلداۋدى جالعاستىرۋدا. ولاردىڭ اراسىندا 37 وسكىنشەك بالا بار. ستاتسيونارلاردا 2 306 ناۋقاس جاتىر. 2 251 ادام امبۋلاتوريالىق جاعدايدا ەمدەلۋدە.
جالپى ناۋقاستاردىڭ اراسىندا 121 ادامنىڭ احۋالى ناشار. سونىڭ ىشىندە 22 ناۋقاستىڭ احۋالى اسا قاتتى اۋىر دەپ باعالانۋدا. 23 ناۋقاس وكپەنى جاساندى جەلدەتۋ اپپاراتىندا جاتىر»،- دەدى.

ايتا كەتەيىك، بۇعان دەيىن دەنساۋلىق ساقتاۋ مينيسترلىگى كوروناۆيرۋستىق ينفەكتسيانىڭ ەكىنشى تولقىنىنا دايىندالىپ جاتقانىن مالىمدەگەن بولاتىن.

«قازىر قازاقستاندا جالپى سانى 4,8 مىڭ ناۋقاس كوروناۆيرۋس پەن پنەۆمونيادان ەمدەلىپ جاتىر. ازىرگە جاعداي تۇراقتى. ءبىز ەۋروپا مەن تمد ەلدەرىندە اۋرۋدىڭ ءوسىمىن بايقاپ وتىرمىز. سوندىقتان جاعدايدى باقىلاۋدا ۇستاۋىمىز كەرەك»,-دەدى مينيستر تسوي.

سوڭعى مالىمەت بويىنشا، ەلىمىزدە كوروناۆيرۋستىق ينفەكتسيا جۇقتىرعاندار سانى 106855-كە جەتكەن.

Abai.kz