ەلشىلىكتىڭ حابارلاۋىنشا، مۇنداي مالىمدەمەگە ەشقانداي نەگىز جوق، ال اتتاكۋروۆ بولسا رەسەي ازاماتتىعىن العان، ول جەكە پىكىرىن ايتا الادى.
«قىرعىزستان - تاۋەلسىز، زايىرلى مەملەكەت، حالىقارالىق قۇقىق سۋبەكتىسى جانە حالىقارالىق قاتىناستاردىڭ تەڭ قۇقىلى قاتىسۋشىسى.
بۇعان قوسا، كونستيتۋتسيادا ورىس ءتىلى مەملەكەتتىك ەمەس، رەسمي ءتىل ەكەنى ايتىلعان. قىرعىزستان باسشىلىعى تاۋەلسىزدىكتى، مەملەكەت اۋماعىنىڭ تۇتاستىعىن ساقتاۋدى جانە ۇلت مۇددەسىن قورعاۋدى كوزدەيدى»،- دەلىنگەن ەلشىلىك مالىمدەمەسىندە.
ەستەرىڭىزگە سالا كەتەيىك، اتتوكۋروۆ ورىس باسىلىمىنا بەرگەن سۇحباتىندا: «قازىر كوپ قىرعىزدىڭ باسىندا رەسەيدىڭ قۇرامىنداعى رەسپۋبليكالاردىڭ ءبىرى بولۋ تۋرالى وي پايدا بولدى»، دەگەن بولاتىن. ال، الەۋمەتتىك جەلى قولدانۋشىلاردى بۇرىنعى ەلشىنىڭ مۇنداي مالىمدەمەسىن سىنعا العان.
