جاپونيانىڭ جاڭا پرەمەر-ءمينيسترى – يوسيحيدە سۋگا بولدى. ونىڭ كانديداتۋراسىن قولداپ، پارلامەنت وكىلدەرى پالاتاسىنىڭ باسىم كوپ دەپۋتاتتارى داۋىس بەرگەن.

باق تاراتقان اقپاراتتارعا سۇيەنسەك، بۇگىن، 16 قىركۇيەكتە پارلامەنت وكىلدەرىنىڭ پالاتاسى جينالىپ، جاڭا پرەمەر-ءمينيستردى تاڭداعان. ول بويىنشا جاڭا پرەمەر-مينيستر – يوسيحيدە سۋگا بولعان. سۋگۋدىڭ كانديداتۋراسىن ۇزىن-ىرعاسى 314 دەپۋتات قولداعان. ال سايلاۋ كەزىندە بارلىعى 462 بيۋلەتەن تاراتىلعان. ەندى يوسيحيدە سۋگا ۇكىمەت قۇرامىن جاساقتايدى.

بيلىك باسىنداعى كواليتسيا – ليبەرالدى-دەموكراتيالىق پارتيا مەن كومەيتو پارتيالارىنا تومەنگى پالاتاداعى 465 مانداتتىڭ 313-ءى تيەسىلى بولعان. سوندىقتان، يوسيحيدە سۋگانىڭ جەڭىسى بولجاۋ اسا قىيىندىق تۋدىرماعان.

ەستەرىڭىزگە سالا كەتەيىك، وسىعان دەيىن جاپونيا پرەمەر-ءمينيسترى سيندزو ابە بولعان. ول تامىز ايىنىڭ سوڭىنا تامان ءوزىنىڭ دەنساۋلىق جاعدايىنا بايلانىستى وتستاۆكاعا كەتەتىنىن مالىمدەگەن. ال 16 قىركۇيەك كۇنى جاپونيا ۇكىمەتى تولىق قۇرامدا وتستاۆكاعا كەتكەن.

Abai.kz