الاشتانۋشى عالىم سۇلتان حان اققۇلى ءجۇسىپتىڭ ءوتىنىشى فراكتسيانىڭ وسى وتىرىسىندا بەينەكونفەرەرەنتسياعا قاتىسىپ وتىرعان «اق جولدىڭ» بارلىق فيليالى وكىلدەرىنىڭ قاتىسۋىمەن داۋىسقا سالىندى. ونىڭ ءوتىنىشى ءبىراۋىزدان ماقۇلدانىپ، پارتيا قاتارىنا قابىلداندى.

بۇل تۋرالى الاشتانۋشىنىڭ ءوزى Facebook پاراقشاسىندا جازدى.

«شىنى كەرەك، بۇل شەشىم وڭاي بولعان جوق. ەلگە ورالعان 2013 جىلدان بەرى 7 جىل ءوتتى. ايتسە دە «اق جول» دەموكراتيالىق پارتياسىنا كىرۋىمە بۇل ساياسي ۇيىمنىڭ ءوزىن قازىرگى قازاق ەلىنىڭ مىزعىماس ىرگەتاسىن قالاپ، شەكاراسىن بەلگىلەپ كەتكەن حح عاسىر باسىنداعى «الاش» پارتياسىنىڭ مۇراگەرى دەپ ءسوز جۇزىندە عانا ەمەس، جەتەكشىسى، «الاش» قايراتكەرى پەرۋاش كارىمۇلىنىڭ نەمەرەسى ازات پەرۋاشەۆ باستاعان پارتيانىڭ «الاش» يدەياسىن، قوزعالىسىن، پارتياسىن، اتاۋلاس ۇلتتىق جەرلى اۆتونومياسىن جانە «الاش» قايراتكەرلەرىن تياناقتى ءىس-ارەكەتىمەن، قازاقشا-ورىسشا ماقالا-جاريالانىمدارىمەن، ۇلتتىق، حالىقارالىق عىلىمي بايقاۋلارىمەن، عىلىمي كونفەرەنتسيالارىمەن مۇمكىندىگىنشە شار تاراپقا ناسيحاتتاپ كەلە جاتقان يگى ءىسى تۇرتكى بولدى. بۇگىن «الاش» تاقىرىبىن «اق جول»-دان ارتىق ناسيحاتتاعان پارتيا بار ما!؟ ال ءيسى قازاققا «الاش»-تان اسقان يدەيا تابىلا ما!؟» - دەپ جازدى سۇلتان حان اققۇلى.

Abai.kz