ينتەرنەتتە قازاقستاندىق بالالارعا قاۋىپتى تاعى ءبىر ويىن پايدا بولدى. بۇل تۋرالى اقتوبە وبلىسى دەنساۋلىق ساقتاۋ باسقارماسىنىڭ شتاتتان تىس پسيحولوگى جانە شتاتتان تىس باس سۋيتسيدولوگى سۆەتلانا پوشولچەنكو مالىمدەدى.

ونىڭ ايتۋىنشا، قازىر الەۋمەتتىك جەلىلەر بالالارعا كوپ اسەر ەتىپ جاتىر.

ء"سىز بالالار مەن جاسوسپىرىمدەر كىرگەن " كوك كيت"," تىنىش ءۇي","سوۆا" توپتارى تۋرالى ەستىگەن شىعارسىز. ءبىر كەزدەرى بۇل توپتار جوعالىپ كەتكەن سياقتى بولدى، بىراق سودان كەيىن ولار قايتادا پايدا بولا باستادى. مەنى اۋرۋحاناعا كەڭەس الۋ ءۇشىن شاقىرعان كەزدە بىزدە بالالار "كوك كيتتىڭ" اسەرىنەن سۋيتسيد جاساعان بىرنەشە جاعدايلار بولدى. قۋانىشقا وراي، بۇل بالالار امان قالدى، بىراق ءسۋيتسيدتىڭ اگرەسسيۆادىستەرى بولعاندىقتان، ولار مۇگەدەك بولىپ قالدى", - دەيدى مامان.

پسيحولوگتىڭ ايتۋىنشا، ەندى بۇل قوسىمشالار مەن توپتار قازاق تىلىندە قۇرىلا باستادى.

"قازىر قازاقستان ءۇشىن قازاق تىلىندە بەيىمدەلگەن ويىندار پايدا بولدى. ولاردىڭ اتاۋلارى ۇنەمى وزگەرىپ وتىرادى، بىراق ولاردىڭ ءبارى "كوك كيتتىڭ" انالوگتارى. وندا قادامدىق نۇسقاۋلار بەرىلگەن: بالالار كۇن سايىن بىرنەشە تاپسىرمانى ورىندايدى، ال سوڭعى تاپسىرما - ءوز -وزىنە قول جۇمساۋ", - دەيدى سۋيتسيدولوگ.

دەرەككوز: tengrinews.kz

Abai.kz