الماتى وبلىسىندا مەملەكەتتەن 1,2 ملرد تەڭگە قارجى بولىنگەن نىسان قيرادى.بۇل تۋرالى Azattyq-ruhy.kz حابارلادى. 

ناقتىراق ايتساق، الماتى وبلىسى ۇيعىر اۋدانىندا «اۋىل – ەل بەسىگى» باعدارلاماسى اياسىندا سالىنىپ جاتقان سپورت كەشەنىنىڭ ءبىر بولىگى قۇلاپ قالعان. سپورت كەشەنىنىڭ قۇرىلىسى 2019 جىلى باستالعان جانە جوسپار بويىنشا 2020 جىلدىڭ سوڭىندا اياقتالۋى ءتيىس.

«مەملەكەت ەسەبىنەن 1 244 483,7 مىڭ تەڭگە قارجى (1,2 ملرد تەڭگەدەن اسا – رەد.) بولىنگەن. تاپسىرىس بەرۋشى – الماتى وبلىسىنىڭ قۇرىلىس باسقارماسى. مەردىگەر كومپانيا – «ليدەر-نك» جشس. اتالمىش نىساننىڭ ءبىر بولىگىنىڭ قۇلاۋىنا بايلانىستى ارنايى كوميسسيا كەلىپ تەكسەرىس جۇمىستارىن جۇرگىزىپ، جيىن وتكىزدى»، - دەپ حابارلادى وبلىستىق قۇرىلىس باسقارماسى باسشىسىنىڭ ورىنباسارى ەركەبۇلان ۇسەنباەۆ.

سونىمەن قاتار، جەرگىلىكتى اكىمدىك وكىلى كوميسسيا قورىتىندىسىنا سايكەس، جاۋاپتى مەكەمە ولقىلىقتاردى قالپىنا كەلتىرەتىنىن حابارلاعان.

Abai.kz