قىرعىزستان ۇلتتىق قۋات حولدينگىنىڭ حابارلاۋىنشا، بيىل ماۋسىم جانە تامىز ايلارى ارالىعىندا قىرعىزستان قازاقستانعا 300 ملن كۆت/س ەلەكتر قۋاتىن بەرگەن. قازاقستان ونى قىرعىزستانعا قايتارادى. ەلەكتر قۋاتىن الماسۋ تۋرالى كەلىسىمدى كورشى ەلدەر 23 ماۋسىمدا قابىلدادى.
بۇنىڭ الدىندا قىرعىز حولدينگىنىڭ باسشىسى ايتمامات نازاروۆ قىرعىزستان قىستا قازاقستاننان 500 ملن كۆت/س ەلەكتر قۋاتىن الۋى مۇمكىن ەكەنىن مالىمدەگەن. ويتكەنى بيىل قىرعىزستانداعى وزەندەرگە سۋ از.
بولجام بويىنشا، 2020 جىلدىڭ قازانىندا توكتوگۋل سۋ قويماسىندا شامامەن 14,9 ملرد تەكشەمەتر سۋ بولادى. بۇعان دەيىنگى جىلدارى مۇندا 17-19 ملرد تەكشەمەتر سۋ جينالاتىن.
قىرعىز ۇكىمەتى بيىل سۋ از بولاتىنىن جىل باسىندا ەسكەرتكەن.
Abai.kz
