ۇلانباتىردىڭ سىرتىنداعى دالا. شىلدە، 2006 ج.

ماۋسىمنىڭ 27-ءى كۇنى ۇلانباتىردا باستالعان موڭعولياداعى قازاقتاردىڭ كىشى قۇرىلتايىنا، ۇيىمداستىرۋشىلاردىڭ ايتۋىنشا، سول ەلدىڭ قازاقتار تۇراتىن ايماقتارىمەن بىرگە رەسەي، قازاقستان جانە قىتاي ەلدەرىنەن قوناقتار شاقىرىلعان ەكەن.

قۇرىلتاي موڭعوليانىڭ ىشكى ولكەلەرىندەگى قازاقتاردىڭ ماسەلەلەرىنە ارنالادى

رەسمي ەسەپ بويىنشا، موڭعوليادا 140 مىڭداي قازاق ءومىر ءسۇرىپ جاتىر ەكەن. سونىڭ 40 مىڭعا جۋىعى ونداعى قازاق ۇلتتىق ايماعى بايان-ولگيدەن تىس، موڭعوليانىڭ ىشكى ولكەلەرىندە شوعىرلانعان.

بۇل القالى جيىنعا موڭعوليانىڭ قازاقتار تۇراتىن ايماقتارىنان 400-دەي، رەسەي، قازاقستان جانە قىتاي ەلدەرىنەن 50-گە جۋىق قوناق شاقىرىلىپتى.

«ارۋ جۇلدىزدار» قوعامدىق ۇيىمىنىڭ جەتەكشىسى جانە «ارۋلار» جۋرنالىنىڭ باس رەداكتورى ايناگۇل سارايقىزى موڭعوليادا تۇڭعىش رەت وتكىزىلىپ وتىرعان بۇل كىشى قۇرىلتايدىڭ باستى ماقساتى - قازاقتىڭ ءتىلىن سالت-ءداستۇرىن، مادەنيەتىن ساقتاپ قالۋدىڭ امالدارىن قاراستىرۋ، كەلەشەك ۇرپاققا ۇمىتتىرماۋ ەكەندىگىن ايتادى.

ال، قۇرىلتايدى ۇيىمداستىرۋعا مۇرىندىق بولىپ وتىرعان قازاقستاننىڭ موڭعولياداعى ەلشىسىنىڭ كومەكشىسى دانيار قادىروۆ، ازاتتىق راديوسىنا، جيىننىڭ عىلىمي-پراكتيكالىق كونفەرەنتسيا نەگىزىندە وتەتىندىگىن جەتكىزدى.

ۇلانباتىردىڭ سىرتىنداعى دالا. شىلدە، 2006 ج.

ماۋسىمنىڭ 27-ءى كۇنى ۇلانباتىردا باستالعان موڭعولياداعى قازاقتاردىڭ كىشى قۇرىلتايىنا، ۇيىمداستىرۋشىلاردىڭ ايتۋىنشا، سول ەلدىڭ قازاقتار تۇراتىن ايماقتارىمەن بىرگە رەسەي، قازاقستان جانە قىتاي ەلدەرىنەن قوناقتار شاقىرىلعان ەكەن.

قۇرىلتاي موڭعوليانىڭ ىشكى ولكەلەرىندەگى قازاقتاردىڭ ماسەلەلەرىنە ارنالادى

رەسمي ەسەپ بويىنشا، موڭعوليادا 140 مىڭداي قازاق ءومىر ءسۇرىپ جاتىر ەكەن. سونىڭ 40 مىڭعا جۋىعى ونداعى قازاق ۇلتتىق ايماعى بايان-ولگيدەن تىس، موڭعوليانىڭ ىشكى ولكەلەرىندە شوعىرلانعان.

بۇل القالى جيىنعا موڭعوليانىڭ قازاقتار تۇراتىن ايماقتارىنان 400-دەي، رەسەي، قازاقستان جانە قىتاي ەلدەرىنەن 50-گە جۋىق قوناق شاقىرىلىپتى.

«ارۋ جۇلدىزدار» قوعامدىق ۇيىمىنىڭ جەتەكشىسى جانە «ارۋلار» جۋرنالىنىڭ باس رەداكتورى ايناگۇل سارايقىزى موڭعوليادا تۇڭعىش رەت وتكىزىلىپ وتىرعان بۇل كىشى قۇرىلتايدىڭ باستى ماقساتى - قازاقتىڭ ءتىلىن سالت-ءداستۇرىن، مادەنيەتىن ساقتاپ قالۋدىڭ امالدارىن قاراستىرۋ، كەلەشەك ۇرپاققا ۇمىتتىرماۋ ەكەندىگىن ايتادى.

ال، قۇرىلتايدى ۇيىمداستىرۋعا مۇرىندىق بولىپ وتىرعان قازاقستاننىڭ موڭعولياداعى ەلشىسىنىڭ كومەكشىسى دانيار قادىروۆ، ازاتتىق راديوسىنا، جيىننىڭ عىلىمي-پراكتيكالىق كونفەرەنتسيا نەگىزىندە وتەتىندىگىن جەتكىزدى.

- شەتتەگى قازاق دياسپوراسىنىڭ ىشىندە موڭعولياداعى قازاقتار ءتىلىن، ءدىنىن ساقتاپ كەلە جاتقان از عانا توپتىڭ ءبىرى. بۇل ءۇردىستىڭ ارى قاراي دا ءوز جالعاسىن تاۋىپ، قايماعىن بۇزباي وتىرا بەرۋىنە سەپتىگىن تيگىزۋ ءۇشىن، ءبىز مۇنداعى قازاقتارعا سەرپىن بەرۋدى ءجون ساناپ وتىرمىز. بايان-ولگي ايماعىنداعى تۇرعىنداردىڭ 97%-ى قازاقتار. ولاردىڭ ءوز مەكتەپتەرى، تەاترى جانە اقپارات قۇرالدارى بار. ال، ۇلانباتىردا 20 مىڭ، سونداي-اق دارحان، ەردەنەت، حەنتي، نالايح جانە تۇنحەل سياقتى ءوندىرىستى ايماقتاردا دا قازاقتىڭ ءبىراز بولىگى تۇرادى. قۇرىلتايدىڭ نەگىزگى ماقساتى دا، وسى ولكەلەردە شاشىلىپ جۇرگەن قازاقتاردىڭ باسىن قوسىپ، پروبلەمالارىن ءسوز ەتۋ، - دەيدى دانيار قادىروۆ.

قۇرىلتايدا «موڭعوليا قازاقتارىنىڭ ساياسي-الەۋمەتتىك جاعدايى جانە ءتىلىنىڭ ماسەلەلەرى» اتتى بايانداما تىڭدالىپ، 4 سەكتسيا بويىنشا «ءتىل، مادەنيەت، ونەر»، «ءبىلىم، عىلىم»، «ساۋدا، ەكونوميكا» جانە «جاستاردىڭ كوزقاراسى» سەكىلدى تاقىرىپتار قوزعالادى.

ۇلانباتىرداعى ۋنيۆەرسيتەتتە قازاق فيلولوگياسى فاكۋلتەتى اشىلادى

قۇرىلتاي قارساڭىندا ازاتتىق تىلشىسىنە بەرگەن سۇحباتىندا قازاقستاننىڭ توتەنشە جانە وكىلەتتى ەلشىسىنىڭ كومەكشىسى دانيار قادىروۆ ونداعى قازاقتاردىڭ ۇلتتىق بولمىسىن ساقتاپ قالۋ ماقساتىندا موڭعوليا مەملەكەتتىك ۋنيۆەرسيتەتىنىڭ جانىنان قازاق فيلولوگياسى فاكۋلتەتىن اشۋدى جوسپارلاپ وتىرعاندىعىن جەتكىزدى.

«بىلتىرعى جىلدىڭ تامىز ايىندا، ۇلانباتىرعا قازاقستان پرەزيدەنتى نۇرسۇلتان نازارباەۆتىڭ رەسمي ساپارى كەزىندە، ەكى ەلدىڭ پرەزيدەنتتەرى بىرقاتار ءىس-شارالار جونىندە كەلىسىمگە كەلگەن بولاتىن. سولاردىڭ ءبىرى جانە بىرەگەيى - موڭعوليانىڭ جوعارى وقۋ ورىندارىنىڭ بىرىنەن قازاق ءتىلى مەن ادەبيەتى فاكۋلتەتىن اشۋ تۋرالى كەلىسىم.

سوعان بايلانىستى، بىلتىرعى جىلدىڭ سوڭىندا، بيىلعى جىلدىڭ باسىندا شىعىس قازاقستان ۋنيۆەرسيتەتىنەن بىرنەشە دۇركىن دەلەگاتسيا كەلىپ، وسى ماسەلەنى شەشۋدى جولعا قويدى. اتالعان فاكۋلتەت موڭعوليانىڭ ەڭ ءىرى ۋنيۆەرسيتەتىندە اشىلادى دەپ جوسپارلانعان. قازىر تاراپتار بىرلەسكەن وقۋ باعدارلاماسىن جاساۋ ۇستىندە»، - دەيدى دانيار رامازانۇلى.

سونداي-اق، قۇرىلتاي قوناقتارىنىڭ ىشىندە قازاقستان رەسپۋبليكاسى سىرتقى ىستەر مينيسترلىگىنىڭ كونسۋلدىق قىزمەت كورسەتۋ دەپارتامەنتىنىڭ لاۋازىمدى قىزمەتكەرلەرى دە بار. ولار ەكى ەل اراسىنداعى ازاماتتىق ىستەرى جونىندەگى كەلىسىمدەر مەن كوشى-قون ماسەلەسى جونىندەگى ساۋالدارعا دا جاۋاپ بەرمەك.

ەسەنگۇل كاپقىزى

«ازاتتىق» راديوسى 27 ماۋسىم 2009 جىل