ازعانا ۋاقىتتان كەيىن اياقتالاتىن جىل الەم ءۇشىن توڭكەرىستەر مەن شەرۋلەردىڭ، قارجىلىق داعدارىستاردىڭ جىلى بولدى. دۇنيەنى دۇبىرلەتىپ، ءدۇر سىلكىندىرگەن «اراب كوكتەمى» 43 جىل ەل بيلەگەن مىسىر پرەزيدەنتى حوسني مۇباراكتى تاقتان قۇلاتىپ، 40 جىلدان استام ليۆيانى اشسا الاقانىندا، جۇمسا جۇدىرىعىندا ۇستاعان مۋاممار كاددافيدى توڭكەرىسشىلەردىڭ قولىنان و دۇنيەگە اتتاندىردى. جەر جاھاندى شارپىعان شەرۋلەر مۇنىمەن تولاستاماي، سيريانى وتقا ورادى. مۇنداعى اتىس-شابىس ءالى تولاستاعان جوق.

قىرعىز ەلى دە اقاەۆتىڭ ارتىنان باكيەۆتى قۋىپ جىبەردى. الا-توودىڭ الاڭىن شاڭ قىلىپ، وزگەرىستەردىڭ قۇربانى بولىپ، تالاي قىرعىز كوز جۇمدى.

ءوزىن دۇنيەگە ۇلگى ەتىپ كورسەتىپ، وزگەلەرگە جول سىلتەگەندى جانى سۇيەتىن ەۋروپا دا بيىل شاتقاياقتادى. فرانتسيادا مۇسىلمان ەلدەرىنەن قونىس اۋدارۋشىلار نارازىلىق ءبىلدىرىپ، ءبىراز دۇنيەنى استان-كەستەن ەتتى. بريتانيادا دا نارازىلىق شەرۋىنە شىققاندار وكىمەتتەرىن ءبىراز ابىرگە سالىپ، دۇنيە-مۇلىكتى قيراتتى. بىراق، كارى قۇرلىقتا بىزدەگىدەي وق اتىلمادى.

جىل سوڭىندا دۋما سايلاۋىنىڭ وتكىزىلۋ بارىسىنا قارسى شىققان رەسەي بۇقاراسىنىڭ ارەكەتى دە كورشى ەلدىڭ ساياسي جۇيەسى ساۋدىراپ تۇرعانىن، ورىستار وزگەرىستى قالايتىنىن تاعى ءبىر رەت پاش ەتتى. مۇندا دا وق اتىلمادى.

قويان جىلى جاپون ەلىنە دە وڭاي سوقپادى. الاپات سۋنامي، جەر سىلكىنىسى، اتوم ستانتسياسىنداعى جارىلىستار شىعىستىڭ شىنارى بولىپ كەلە جاتقان مەملەكەتكە اۋىر ءتيدى.

ازعانا ۋاقىتتان كەيىن اياقتالاتىن جىل الەم ءۇشىن توڭكەرىستەر مەن شەرۋلەردىڭ، قارجىلىق داعدارىستاردىڭ جىلى بولدى. دۇنيەنى دۇبىرلەتىپ، ءدۇر سىلكىندىرگەن «اراب كوكتەمى» 43 جىل ەل بيلەگەن مىسىر پرەزيدەنتى حوسني مۇباراكتى تاقتان قۇلاتىپ، 40 جىلدان استام ليۆيانى اشسا الاقانىندا، جۇمسا جۇدىرىعىندا ۇستاعان مۋاممار كاددافيدى توڭكەرىسشىلەردىڭ قولىنان و دۇنيەگە اتتاندىردى. جەر جاھاندى شارپىعان شەرۋلەر مۇنىمەن تولاستاماي، سيريانى وتقا ورادى. مۇنداعى اتىس-شابىس ءالى تولاستاعان جوق.

قىرعىز ەلى دە اقاەۆتىڭ ارتىنان باكيەۆتى قۋىپ جىبەردى. الا-توودىڭ الاڭىن شاڭ قىلىپ، وزگەرىستەردىڭ قۇربانى بولىپ، تالاي قىرعىز كوز جۇمدى.

ءوزىن دۇنيەگە ۇلگى ەتىپ كورسەتىپ، وزگەلەرگە جول سىلتەگەندى جانى سۇيەتىن ەۋروپا دا بيىل شاتقاياقتادى. فرانتسيادا مۇسىلمان ەلدەرىنەن قونىس اۋدارۋشىلار نارازىلىق ءبىلدىرىپ، ءبىراز دۇنيەنى استان-كەستەن ەتتى. بريتانيادا دا نارازىلىق شەرۋىنە شىققاندار وكىمەتتەرىن ءبىراز ابىرگە سالىپ، دۇنيە-مۇلىكتى قيراتتى. بىراق، كارى قۇرلىقتا بىزدەگىدەي وق اتىلمادى.

جىل سوڭىندا دۋما سايلاۋىنىڭ وتكىزىلۋ بارىسىنا قارسى شىققان رەسەي بۇقاراسىنىڭ ارەكەتى دە كورشى ەلدىڭ ساياسي جۇيەسى ساۋدىراپ تۇرعانىن، ورىستار وزگەرىستى قالايتىنىن تاعى ءبىر رەت پاش ەتتى. مۇندا دا وق اتىلمادى.

قويان جىلى جاپون ەلىنە دە وڭاي سوقپادى. الاپات سۋنامي، جەر سىلكىنىسى، اتوم ستانتسياسىنداعى جارىلىستار شىعىستىڭ شىنارى بولىپ كەلە جاتقان مەملەكەتكە اۋىر ءتيدى.

دۇنيەنىڭ ەكى تىزگىن ءبىر شىلبىرىن قولىنا ۇستاماققا ءار كەز تالپىناتىن امەريكا دا وسى جىلى ءوز باسىمەن اۋرە بولدى. اقش-تى دەفولتقا ۇشىراتا جازداعان قارجى داعدارىسى اق ءۇي تۇگىلى بارشا الەمدى ابىرگەرگە سالدى. اقىرى، ونىڭ دا وڭتايلى جولىن تاپقانداي بولدى. الايدا، تۇبەگەيلى تىنعان ءىس جوق.

(الەمدە بولعان ءىرى وقيعالار جونىندەگى ماقالالاردى مىنا سىلتەمەلەردەن وقي الاسىزدار: http://old.abai.kz/node/7257, http://old.abai.kz/content/ai-zharym-uakyt-d-nienin-zhyrty-mysyrdan-koz-almai-otyrdy, http://old.abai.kz/content/ozin-olmestei-korgen-diktatorlardyn-akyry, http://old.abai.kz/content/kaddafi-kelmeske-ketti, http://old.abai.kz/node/3578, http://old.abai.kz/node/3587, http://old.abai.kz/content/eli-sekel-kyrmanbek-bakiev-direktor-atandy, http://old.abai.kz/content/duman-anash-zilzala-ortasynan-kelgen-kazaktar, http://old.abai.kz/node/946, http://old.abai.kz/content/resei-tonkeriske-tirelip-tyr)