سەرىك ابدىرەشۇلى. جولتەرەك تۋرالى اڭىز
باياعى ءبىر زاماندا، ايدالا دەگەن جازىقتا الىپ جالعىز تەرەك ءوسىپتى. بۇل تەرەكتىڭ ەرەكشە قاسيەتى بولىپتى، ونىڭ جاپىراقتارى جەتى تۇسكە بويالىپ، قۇبىلىپ تۇرادى ەكەن. قاسيەتتى تەرەك جىلىنا ءبىر رەت كوكتەم مەزگىلى كەلگەندە عانا گۇلدەپتى. ونىڭ گۇلىن جۇرت ناۋرىزگۇل اتاپتى. جاستار ونى ءبىر بىرىنە سىيلاسا بولدى، جەر بەتىنە كۇننەن التىن ءتۇستى شۋاق ساۋلاپتى. سوسىن الگى الىپ اعاشتىڭ گۇلى ءتۇسىپ، ونىڭ سوڭىنان الما سەكىلدى سونداي ءدامدى جەمىستەرى ۋىلجىپ پىسكەن ەكەن. ونى جەگەن ادام باقىتتى بولىپتى جانە قارتايمايتىن قاسيەت دارىپتى.
الىپ تەرەكتىڭ باسىنا ىلعي دا ءبىر سامۇرىق قۇس جىلدا ناۋرىز ايىندا ءبىر-اق رەت جۇمىرتقالايدى ەكەن. ول جۇمىرتقاعا ادامداردىڭ ارمان-تىلەگى اعاش بويىمەن جينالىپتى دا، ول مىندەتتى تۇردە ورىندالاتىن بولىپتى، ال بۇرىنعى ۋايىم-قايعى ۇمىت بولىپ، رەنجىسكەندەر قايتادان تاتۋلاسىپتى. ارمان-تىلەكتىڭ بارلىعى الگى تەرەكتىڭ بويىمەن عانا كوككە جەتەتىندىكتەن، ونى بىرقاتارى «جول» دەسە، ەندى ءبىرى تىلدەرىنىڭ كەلگەنىنە قاراي «يول» دەپتى. كازىرگى ورىسشا «يولكا» ءسوزى سودان شىعىپتى. ال، ەجەلگى «جولتەرەك» اتى ۇمىت بولىپتى.
باياعى ءبىر زاماندا، ايدالا دەگەن جازىقتا الىپ جالعىز تەرەك ءوسىپتى. بۇل تەرەكتىڭ ەرەكشە قاسيەتى بولىپتى، ونىڭ جاپىراقتارى جەتى تۇسكە بويالىپ، قۇبىلىپ تۇرادى ەكەن. قاسيەتتى تەرەك جىلىنا ءبىر رەت كوكتەم مەزگىلى كەلگەندە عانا گۇلدەپتى. ونىڭ گۇلىن جۇرت ناۋرىزگۇل اتاپتى. جاستار ونى ءبىر بىرىنە سىيلاسا بولدى، جەر بەتىنە كۇننەن التىن ءتۇستى شۋاق ساۋلاپتى. سوسىن الگى الىپ اعاشتىڭ گۇلى ءتۇسىپ، ونىڭ سوڭىنان الما سەكىلدى سونداي ءدامدى جەمىستەرى ۋىلجىپ پىسكەن ەكەن. ونى جەگەن ادام باقىتتى بولىپتى جانە قارتايمايتىن قاسيەت دارىپتى.
الىپ تەرەكتىڭ باسىنا ىلعي دا ءبىر سامۇرىق قۇس جىلدا ناۋرىز ايىندا ءبىر-اق رەت جۇمىرتقالايدى ەكەن. ول جۇمىرتقاعا ادامداردىڭ ارمان-تىلەگى اعاش بويىمەن جينالىپتى دا، ول مىندەتتى تۇردە ورىندالاتىن بولىپتى، ال بۇرىنعى ۋايىم-قايعى ۇمىت بولىپ، رەنجىسكەندەر قايتادان تاتۋلاسىپتى. ارمان-تىلەكتىڭ بارلىعى الگى تەرەكتىڭ بويىمەن عانا كوككە جەتەتىندىكتەن، ونى بىرقاتارى «جول» دەسە، ەندى ءبىرى تىلدەرىنىڭ كەلگەنىنە قاراي «يول» دەپتى. كازىرگى ورىسشا «يولكا» ءسوزى سودان شىعىپتى. ال، ەجەلگى «جولتەرەك» اتى ۇمىت بولىپتى.
جولتەرەكتىڭ ءوزىن دە، قايدا وسەتىنىن دە ادامدار ۇمىتىپ قالعاسىن، ونىڭ ورنىنا قاڭتار ايىندا شىرشا، قاراعاي كەسىپ ۇيلەرىنە اكەلىپ، بەزەندىرەتىن بولعان. ال، كۇن مەن ءتۇننىڭ تەڭەلەتىن كۇنىن جاڭا جىل دەپ، ناۋرىز مەرەكەسىن تويلاۋدا ازەربايجان حالقى جۇمىرتقانى ءتۇرلى تۇسكە بويايدى، وزبەكتەر داقىل ەگىپ كوگەرتىپ، جولتەرەكتى ەسكە العان. ال قازاقتار ناۋرىزكوجە اسىپ، جولتەرەكتى التىباقان تەۋىپ ىرىس تاڭىن قارسى الۋمەن ەسكەرگەن. ىرىس تاڭى 21 ناۋرىزدان 22-نە قاراعان ءتۇنى قارسى الىنعان. بۇل ءتۇنى قىدىر اتا كوكتەن ءتۇسىپ، بارلىق جانۇيالاردى ارالاپ، ولارعا ءبىر جىلعا جەتەرلىك قۇت پەن بەرەكە، نەسىبە ۇلەستىرەدى. بالالارعا سىيلىق بەرىپ كەتەدى ەكەن. ال، جولتەرەكتى ۇيلەرىنە قۇرعان جانۇيالار ەرەكشە قۋانىشقا كەنەلمەك.
«اباي-اقپارات»
