ەربول الشىنباي. باقۇلداسۋ
(جاڭاوزەندەگى شەيت بولعان باۋىرلارىمنىڭ رۋحىنا)
قابا ءبىر سوققان داۋىلداي،
قارايعان جۇرتتىڭ اشۋى.
استىندا تاعىن تۋلاتتى كەلىپ جايىنداي،
تالانسىز حاننىڭ تار دۇنيەگە سيماس تاقىمى.
وزەننىڭ بويىن ءورت الدى،
وشىرە الماس بورباس قۇم.
حالقىنا حان ايداپ سالعان قالقاندى،
جاساقپەن جاراقسىز بارىپ جانداستىم.
بۇل ءىستىڭ بەتى تىم قاتتى،
قولداعاي ءوزى اقتى اللام!
قارا قازاقتى قارا شىبىنداي جۋساتتى،
اجالدىڭ وعىن سەۋىپ وقپاننان.
ساحارداي بولىپ قايناعان،
كوزىمنىڭ الدى كۇرەڭ قان.
وق تەسكەن ەتىن شايناعان،
مەن-داعى جارالى بولعان قۇبا ارلان.
جاسىرام قالاي جارامدى،
جاقىنىم جاۋداي بولعاسىن.
كەۋدەمە تىكەندەي بولىپ قادالدى،
قوي قۇمالاعىنداي قورعاسىن.
بىزبەنەن كەتكەي بۇلاعاي،
الاشىم اللا قورعانىڭ.
اجالدى قويشى، قۇداي-اي،
ەڭكەيمەي ەر بوپ ولسەم بولعانى.
بەيمەزگىل ۇشتى قولىمنان،
ۇيا سالعان كەۋدەمدەگى كوگەرشىن.
ەرتەڭگى تۋعان وعىلان،
كەگىمدى كىمنەن الام دەسە، نە دەرسىڭ؟
«اباي-اقپارات»
(جاڭاوزەندەگى شەيت بولعان باۋىرلارىمنىڭ رۋحىنا)
قابا ءبىر سوققان داۋىلداي،
قارايعان جۇرتتىڭ اشۋى.
استىندا تاعىن تۋلاتتى كەلىپ جايىنداي،
تالانسىز حاننىڭ تار دۇنيەگە سيماس تاقىمى.
وزەننىڭ بويىن ءورت الدى،
وشىرە الماس بورباس قۇم.
حالقىنا حان ايداپ سالعان قالقاندى،
جاساقپەن جاراقسىز بارىپ جانداستىم.
بۇل ءىستىڭ بەتى تىم قاتتى،
قولداعاي ءوزى اقتى اللام!
قارا قازاقتى قارا شىبىنداي جۋساتتى،
اجالدىڭ وعىن سەۋىپ وقپاننان.
ساحارداي بولىپ قايناعان،
كوزىمنىڭ الدى كۇرەڭ قان.
وق تەسكەن ەتىن شايناعان،
مەن-داعى جارالى بولعان قۇبا ارلان.
جاسىرام قالاي جارامدى،
جاقىنىم جاۋداي بولعاسىن.
كەۋدەمە تىكەندەي بولىپ قادالدى،
قوي قۇمالاعىنداي قورعاسىن.
بىزبەنەن كەتكەي بۇلاعاي،
الاشىم اللا قورعانىڭ.
اجالدى قويشى، قۇداي-اي،
ەڭكەيمەي ەر بوپ ولسەم بولعانى.
بەيمەزگىل ۇشتى قولىمنان،
ۇيا سالعان كەۋدەمدەگى كوگەرشىن.
ەرتەڭگى تۋعان وعىلان،
كەگىمدى كىمنەن الام دەسە، نە دەرسىڭ؟
«اباي-اقپارات»
