قازاقستان رەسمي تۇردە ءولىم جازاسىنان باس تارتتى. بۇل تۋرالى قازاقستان پرەزيدەنتى قاسىم-جومارت توقاەۆ بىرىككەن ۇلتتار ۇيىمى باس اسسامبلەياسىنىڭ 75-ءشى مەرەيتويلىق سەسسياسىنىڭ جالپى ساسي پىكىرتالاس بارىسىندا سويلەگەن سوزىندە مالىمدەدى.

مەملەكەت باسشىسىنىڭ ايتۋىنشا، قازاقستان ادامي قادىر-قاسيەتپەن ءومىر سۇرۋگە نەگىزدەلگەن قۇقىقتى جۇزەگە اسىرۋعا بەكەم.

سونىمەن قاتار، قازاقستاننىڭ بىرىككەن ۇلتتار ۇيىمى جانىنداعى تۇراقتى وكىلى قايرات وماروۆ ءولىم جازاسىن جويۋعا باعىتتالعان ازاماتتىق جانە ساياسي قۇقىقتار تۋرالى حالىقارالىق پاكتىگە ەكىنشى فاكۋلتاتيۆتىك حاتتاماسىنا قول قويعان بولاتىن.

ايتا كەتەيىك، وتكەن جىلدىڭ جەلتوقسان ايىندا مەملەكەت باسشىسى ەلدەگىساياسي رەفورمالاردى ىسكە اسىرۋ بارىسىندا سىرتقى ىستەر مينيسترلىگىنە ساياسي جانە ازاماتتىق قۇقىقتار تۋرالى حالىقارلىق پاكتىنىڭ ەكىنشى فاكۋلتاتيۆتىك حاتتاماسىنا قوسىلۋ ءراسىمىن باستاۋدى تاپسىرعان ەدى.

اتالعان حالىقارالىق قۇجات – ءولىم جازاسىن قولدانۋ اياسىن بىرتىندەپ تارىلتۋ مەن قىلمىستىق زاڭنامانى ىزگىلەندىرۋ شاراسىنىڭ جالعاسى بولىپ تابىلاتىنىن ايتا كەتۋ كەرەك.

تاعى ءبىر ايتا كەتەرلىگى، قازاقستاندا ءولىم جازاسىن قولدانۋ پرەزيدەنتتىڭ 2003 جىلى ءتيىستى موراتوري ەنگىزۋ تۋرالى جارلىعىنىڭ نەگىزىندە تولىعىمەن توقتاتىلدى.

Abai.kz