اق ۇيدەن ءورت شىقتى. ءورت سوندىرۋشىلەر وتتى ءسوندىرىپ جاتىر.

وسىعان دەيىن 6 قازان كۇنى تاڭەرتەڭ 9.00-دا قىرعىزستان پرەزيدەنتى سوورونباي جەەنبەكوۆ پارلامەنت سايلاۋىنا قاتىسقان پارتيا ليدەرلەرىمەن كەزدەسەتىنى حابارلانعان.

بىشكەكتىڭ ورتالىق الاڭىندا دۇيسەنبى كۇنى پارلامەنت سايلاۋىنىڭ ناتيجەسىمەن كەلىسپەگەن حالىق كۇنى بويى نارازىلىق ءبىلدىردى. ولار 4 قازاندا وتكەن سايلاۋ ناتيجەسىن جويىپ، قايتا سايلاۋ وتكىزۋدى تالاپ ەتىپ جاتىر. كەشكى 9.00-دار شاماسىندا ميتينگكە قاتىسۋشىلار اق ءۇيدىڭ وڭتۇستىك قاقپاسىن بۇزىپ كىرگەنى حابارلاندى.

بىرنەشە ءمينوت وتكەندە اتىستىڭ داۋىسى ەستىلدى. ميليتسيا ارنايى قۇرىلعىلار قولدانىپ، حالىقتى قۋا باستادى. باستاپقىدا ارنايى جاساق نارازىلاردى "الا-توو" الاڭىنان جانە اق ءۇي عيماراتىنان ىعىستىرعان.

بىراق حالىق الاڭدى قايتا باسىپ الدى.

4 قازاندا قىرعىزستاندا جوگوركۋ كەڭەشتىڭ VII شاقىرىلىمىنا سايلاۋ ءوتتى. وعان 16 پارتيا قاتىستى. ولاردىڭ تەك تورتەۋى عانا 7 پروتسەنتتىك مەجەدەن ءوتتى.

جەڭىلگەن پارتيالار سايلاۋى كەزىندە اكىمشىلىك رەسۋرستاردىڭ كومەگىمەن ورەسكەل زاڭ بۇزۋشىلىقتاردىڭ ورىن العانىن مالىمدەدى.

ال جەڭىسكە جەتكەن "بيريمديك" پارتياسى قايتا سايلاۋعا دايىن ەكەنىن جەتكىزدى.

Abai.kz