كولىكتەگى باس مەملەكەتتىك سانيتارلىق دارىگەر سادۋاقاس بايعابىلوۆ كوروناۆيرۋس ينفەكتسياسى بويىنشا جاڭا تالاپتار ەنگىزىلگەننەن كەيىن العاشقى حالىقارالىق اۋە رەيستەرىنىڭ كەلۋىنە قاتىستى پىكىر ءبىلدىردى.

«كەشە كەشكە قوسىمشا شەكتەۋ تالاپتارى جاعدايىندا ەلوردانىڭ اۋە ايلاعىنىڭ دايىندىعى سارالاندى. وسى جىلدىڭ 6 قازانىنىڭ تۇنىندە نۇر-سۇلتان قالاسىنىڭ اۋەجايى تۇركيادان 4 اۋە رەيسىن كۇتىپ الدى. بارلىعى 478 جولاۋشى كەلدى. ولاردىڭ 170-ءى COVID-19 بويىنشا پتر-انىقتاماسى بولماعاندىقتان كارانتيندىك ستاتسيونارعا جاتقىزىلدى. ولار سول جەردە پتر-اناليزدەن وتەدى»، - دەدى كولىكتەگى باس مەملەكەتتىك سانيتارلىق دارىگەر.

ال الماتى قالاسىنداعى اۋەجاي تۇركيا، وڭتۇستىك كورەيا مەن بەلارۋستان 8 اۋە رەيسىن قابىلداعان. بارلىعى 797 جولاۋشى كەلىپ، ولاردىڭ 230-دا COVID-19 بويىنشا پتر-انىقتاماسى بولماعان. ولار دا پتر-اناليزدەن ءوتۋ ءۇشىن كارانتيندىك ستاتسيونارعا جاتقىزىلدى.

سادۋاقاس بايعابىلوۆتىڭ ايتۋىنشا، قازاقستانعا كەلگەن شەتەل ازاماتتارىندا COVID-19 بويىنشا پتر-انىقتاما بولعان. ولاردىڭ ەشقايسىسى دەپورتاتسيالانعان جوق.

ءبىرىنشى اۋەجايدا ترانزيتتىك جولاۋشىلار دا پتر ادىسىمەن تەستتەن ءوتۋ ءۇشىن ەكى كۇندىك كارانتينگە ورنالاستىرىلادى.

پتر-تەستتەن وتەتىن جولاۋشىلارى ەلورداداعى Ramada Plaza Astana قوناقۇيى مەن الماتىداعى Renion hotel, Ambassador, Shera Park, «پرەمەر الاتاۋ» وتەلدەرىندەگى كارانتيندىك ستاتسيوناردا جاتىر.

Abai.kz