ەلىمىزدە تۋريزم سالاسىنا تۇسكەن كىرىس ەكى ەسە ازايدى،- دەپ حابارلايدى 24.kz. 

العاشقى جارتىجىلدىقتا ەلىمىزدەگى قوناقۇيلەردە ءبىر جارىم ميلليونعا جۋىق ادامعا قىزمەت كورسەتىلگەن. بۇل بىلتىرعى جىلدىڭ سايكەس كەزەڭىمەن سالىستىرعاندا شامامەن 2 ەسە از.

پاندەميا باستالعالى تۇسكەن كىرىس 28 ملرد تەڭگەگە جۋىقتاعان. ءبىر جۇلدىزدى قوناق ۇيلەرگە سۇرانىس بۇرىنعىعا قاراعاندا 10 ەسە ارتقان. ءۇش، بەس جۇلدىزدى قوناقۇيلەرگە كەلۋشىلەر سانى 3,5 ەسە تومەندەپتى. ال كاتەگورياسى جوق مەيمانحانالارعا كەلۋشىلەر 40%-كە ازايعان. مۇندا 800 مىڭ ادام عانا تۇراقتادى. ەلدەگى تۋريستىك قىزمەت كورسەتۋ ورىندارىنا جارتى جىلدا 28 ملرد تەڭگە عانا تۇسكەن. بۇل ادەتتەگىدەن ەكى ەسە از.

امەريكالىق باسىلىمدار جۇرگىزگەن زەرتتەۋگە ساي ەلىمىز 73 مەملەكەتتىڭ 70 تۇعىرىنان كورىندى. تۋريستەر قازاقستاندى دوستىق پەيىلى، تۇمسا تابيعات، جانعا جايلى كليماتى بار ەل رەتىندە تاڭداعان.

Abai.kz