Qazaqstan ۇلتتىق ارناسىندا «اسىل ارنا» تەلەارناسىنىڭ ديرەكتورى مۇحامەدجان تازابەك جۇرگىزەتىن باعدارلاما اشىلىپتى. وندا تازابەك مىرزا ستۋديا قوناقتارىمەن بىرگە ءتالىم-تاربيە توڭىرەگەندە اڭگىمەلەسەتىن كورىنەدى.

ۇلتتىق ارنا جاڭا باعدارلاما جايلى ءالى ەشقانداي اقپارات تاراتقان جوق. وسى اپتاعا ارنالعان باعدارلامالار كەستەسىنەن دە جاڭا جوبانى بايقاي المادىق. مۇحامەدجان تازابەكتىڭ ءوزى دە جاڭا جۇمىسى جايلى ءسوز قوزعامادى. بىراق الەۋمەتتىك جەلىدە «Talim Trend» اتتى اۆتورلىق باعدارلامانىڭ تۇسىرىلىمىنەن فوتوسۋرەتتەر تاراي باستادى.

الەۋمەتتىك جىلىلەردە ءارتۇرلى تاقىرىپتاردا اقىل-كەڭەس ايتىپ، كوپشىلىككە كەڭەس بەرۋدەن جالىقپايتىن مۇحامەدجان مىرزانىڭ ۇلتتىق ارناعا كەلگەنىنە بايلانىستى ەل اراسىندا ەكىۇشتى پىكىر ايتىلۋدا. ونىڭ جاڭا قىزمەتىنە قاتىستى جەلى قولدانۋشىلارى نە جازىپ جاتىر؟ ءبىر شولىپ شىقتىق.

ايگۇل ورىنبەك: «اسىل ارنا» ارقىلى ۇيرەتە الماعان، ءتالىم تاربيەنى ۇلتتىق ارنادان ۇيرەتەيىن دەدى مە؟ ۇلتتىڭ ارناسى، ءدىني فاناتتاردىڭ ارناسى ما؟ قارتتاردى ۇرىپ، تەۋىپ، پريكاز ورىنداۋعا ۇيرەتەدى مە ەندى؟

ۇلتقا ءتالىم تاربيەنى، باتىر اتامىزدىڭ كەلىنى زەينەپ احمەتوۆا اپامىز تۇرعاندا، مۇحامەدجان تازابەككە جول قايدا؟ تازابەكتىڭ دە ۇياتى جوق ەكەن، زەينەپ اپامىز تۇرعاندا، الدىنا شىعىپ ءتالىم تاربيە بەرگەنىم جاراماس! “مەن دە كەشە عانا ساقالىم تىزەمە ءتيىپ اداسىپ، قارتتاردى ۇرۋعا شاقىرىپ جۇرگەن ادام ەدىم”-دەپ باس تارتۋعا بولار ەدى! جوق، كەسەتىن جەرىمدى كەسىپ ال دەپ، بەتى بىتتىيىپ ۇلتتىق ارنادان بىراق شىعىپتى!

جاستارعا اقىلدى قارت كىسىلەر ايتاتىن ەدى، بىزدە تەپسە تەمىر ۇزەتىن، جاستار ايتاتىن بولعانى قاشان؟! ۇلتتىق ارنانىڭ مارتەبەسى بيىكتەيدى مە دەسەم، ءجۇن بەتتەرگە تولىپ، كەرى كەتە باستاپتى! بۇل ەندى ۇلتتىڭ ارناسى ەمەس، ءجۇن بەتتەردىڭ ارناسى! ۇلتتىق ارناعا قازىنادان اقشا ءبولىنۋ توقتاتىلسىن! ۇلتتىق قاۋىپسىزدىك كوميتەتى بۇل ارنانى شۇعىل تەكسەرسىن!

توقتار جاقاش: سالافيتتەردىڭ سارجاعال بالاپاندارى حابار مەن قازاقستان ارنالارىندا تولىپ قالعان ەدى. ەندى مۇحامەدجان تازابەكتىڭ ۇلتتىق ارنا ەفيرىنە شىعۋى ماسقارانىڭ ماسقاراسى دەر ەدىم سوندا، ەندى مۇحامەدجان ۇلتتىق ارنادان بىزگە ءپالساپا سوقپاقشى ما؟ وعان ونداي تريبۋنا كىمنىڭ پارمەنىمەن بەرىلدى؟! ء"تالىم-ترەند" دەگەن دۇنيەسى وسىدان 4-5 جىل بۇرىن يۋتۋبتا مىڭ رەت اينالىپ، ابدەن جاۋىرى شىققان. ەندى سول سارقىنشاعىن ۇلتتىق ارنادان توگۋگە دە ۇيات كەرەك شىعار! مۇحامەدجانعا ءوزىنىڭ ءدىني ارناسى ازدىق ەتكەن بە؟

مەن تۇسىنەر ەدىم، ەگەر، مۇحامەدجان كەلىندەر مەن ايەلدەرگە ءتالىمدى ساباق بەرەتىن ۇزىنەتەكتى ساقا قاتىن نەمەسە جەتپىس-سەكسەن جاساعان كەمپىر بولسا. قاي قازاقتىڭ ەركەگى ەرلى-زايىپتىعا اقىل ايتىپ ەدى؟ مەن ءوز باسىم بالالارىمنىڭ ومىرىنە قارعىس ايتقىش سالافيتتەردىڭ قول سۇعىپ، اقىل ايتۋىنا ءۇزىلدى-كەسىلدى قارسىمىن! بۇل ەندى تىم پەرەبور! "ەستيتىن ۇكىمەت" كورەرمەننىڭ تالابىن ەستيدى دەپ ويلايمىن! سەكتانتتار يدەولوگيا سالاسىنان اۋلاق ءجۇرسىن!

دينا ەلگەزەك: مۇحامەدجان تازابەكوۆ ۇلتتىق ارنادان ارنايى حابار اشىپتى! “اسىل ارنادان” ەرتەلى كەش بەكبولات ەكەۋىنىڭ “لۇعاتىن” تىڭدايتىنىمىز از ەدى. ەندى كۇندە ۇلتتىق ارنادان تازابەكوۆتىڭ تالىمىنەن سۋسىندايمىز!

توقاەۆ پەن بالاەۆا امان بولسا، قازاقستاندا سالافيزم ولمەيدى، دامي تۇسەدى!

تىنىشتىقبەك ابدىكاكىمۇلى: مىنا جاعدايدىڭ قالاي بولعانى؟ يسلامشىلدارعا (راديكالدى سالافيتتەرگە) تەلەكانال اشۋعا رۇقسات بەرۋ دەگەن نە سۇمدىق؟ ونى بيلىك قولداپ وتىرسا، وندا وزگە كونفەسسيالارعا دا سونداي جاعداي جاساۋ كەرەك بولعانى عوي؟! سوندا ءبىزدىڭ اتا زاڭ بويىنشا زايىرلى مەملەكەتتىگىمىزدەن نە ءمان قالماق؟! مەن تۇككە تۇسىنە الماي وتىرمىن!...

بەكجان اشىرباەۆ: ۋىستاي عانا ۇلتىمىزدىڭ ۋىزداي تازالىعىن ساقتاۋ ءۇشىن كۇرەسىپ جۇرگەن مۇحامەدجان تازابەكوۆتىڭ «Qazaqstan» ۇلتتىق ارناسىنىڭ ەفيرىنەن وتەتىن "Talim Trend" اۆتورلىق جوباسى تۇسىرىلىمىنەن فوتوبايان. الماتى. 07.10.2020.

Abai.kz