“نۇر وتان” پارتياسى توراعاسىنىڭ ءبىرىنشى ورىنباسارى باۋىرجان بايبەك الەۋمەتتىك جەلىدەگى پاراقشاسىندا تۇركىستان قالاسىنىڭ حالىقارالىق دارەجەدەگى تۋريستىك ورتالىققا اينالاتىنى تۋرالى جازدى.

بۇعان دەيىن ەلباسى، نۇر وتان پارتياسىنىڭ توراعاسى نۇرسۇلتان نازارباەۆ تۇركىستان قالاسىنا بارىپ، شاھارداعى بىرنەشە جاڭا نىسانداردى ارالاعان بولاتىن. باۋىرجان بايبەكتىڭ ايتۋىنشا، ەلباسىنىڭ تۇركىستان وبلىسىن قۇرۋى جانە وبلىس ورتاىعى رەتىندە تۇركىستان قالاسىن بەلگىلەۋى ماڭىزدى ءھام ايتۋلى وقيعا بولىپ تابىلادى. سەبەبى، ەلباسى وسىنداي ىرگەلى ءىسى ارقىلى بابالار رۋحىنا تاعزىم ەتىپ، تۇتاس تۇركى الەمىنە قۇرمەت كورسەتە ءبىلدى.

بۇعان دەيىن نۇرسۇلتان ءابىشۇلى ءبىر سوزىندە تۇگەل تۇركىنىڭ باستى ورداسى تۇركىستان ەكەنىن ايتىپ وتكەن بولاتىن. ەلباسىنىڭ بۇل ءسوزى تۇركىستان وبلىسىنىڭ تۋريستىك الەۋەتىن كوتەرەتىن ماڭىزدى قادامعا باستار جول دەپ ايتۋعا بولادى.

دەمەك، بۇگىندە حالقى تىعىز ورنالاسقان، الەۋمەتتىك ماسەلەلەرى شيەلەنىسكەن تۇركىستان ءوڭىرىن قايتا جانداندىرۋ ءۇشىن ىرگەلى ىستەر اتقارىلىپ جاتقانى دا ايتا كەتۋ كەرەك.

سونىمەن قاتار، باۋىرجان قىدىرعاليۇلى بولاشاقتا وزبەكستاننىڭ تۋريستىك وبلىستارىنا مارشرۋتتار جۇرەتىنىن ايتىپ ءوتتى.

 باۋىرجان بايبەك، “نۇر وتان” پارتياسى توراعاسىنىڭ ءبىرىنشى ورىنباسارى:

 -توعىز جولدىڭ تورابى رەتىندە تۇركىستاننىڭ مۇمكىندىگى مول. كورشى وزبەكستانمەن جاساسقان كەلىسىمگە سايكەس، حورەزم، بۇحارا، تۇركىستان، سامارقاند، تاشكەنت وبلىستارىنداعى تۋريستىك ورىندارعا بىرلەسە وتىرىپ تۋريستىك مارشرۋت اشىلادى. سول جۇمىستىڭ ناتيجەسىندە تۇركىستان قالاسى ەنەرگەتيكالىق تۇرعىدان دەربەس، تاس جولمەن قامتىلعان، گاز قۇبىرلارى تارتىلعان، اۋەجايى بار تۋريستىك ءوڭىر بولادى. مۇنىڭ بارلىعى تەك انا تاريحقا تاعزىم ەمەس، ءوڭىردىڭ جالپى الەۋمەتتىك مۇمكىندىكتەرىن دامىتۋعا جول اشادى،- دەدى پارتيا توراعاسىنىڭ ءبىرىنشى ورىنباسارى.

بايبەك مىرزانىڭ ايتۋىنشا، تۇركىستان ءوڭىرى وسىلايشا زاماناۋي تۇرعىدا جاڭا سەرپىن، اڭا تىنىس الىپ جاتىر. بۇل ءوز كەزەگىندە قازاق حاندىعىنىڭ رۋحاني ورتالىعى بولعان، بارشا تۇركىنىڭ باستى ورداسى تۇركىستانعا جاسالعان قۇرمەت ەكەنى راس.

سونىمەن قاتار، بۇگىندە ءوز الدىنا بولەك رەسپۋبليكالىق ماڭىزدى ستاتۋس يەلەنگەن شىمكەنت قالاسى دا جاڭاشا تۇرلەنىپ قانا قويماي، سول جەردە تاعى دا ۇلكەن حالىقارالىق دارەجەدەگى ورتالىق سالىنىپ جاتقان كورىنەدى. بۇل دا ءوز كەزەگىندە پارتيا توراعاسى نۇرسۇلتان نازارباەۆتىڭ ەڭبەگى ەكەنى باسا ايتىلدى.

بۇگىندە جاڭا مەگاپوليس اتانعان شىمكەنت شاھارى تىرشىلىگى قايناعان قۇرىلىسى الاڭىنا اينالعان. تاريحي قالانىڭ بەت-بەينەسى وزگەرىپ، ەڭسەسى كوتەرىلىپتى. ەلباسى اتالعان ءوڭىردى ارالاۋ بارىسىنا بىرقاتار جاڭا نىسانداردىڭ اشىلۋىنا قاتىسىپ، كوزايىم بولدى.

سول نىسانداردىڭ ءبىرى – حالىقارالىق اۋەجاي. اتالعان اۋەجاي جىلىنا 3 ميلليون جولاۋشى وتكىزەتىن مۇمكىندىككە يە. سونىمەن قاتار، اتالعان ءىرى نىسانداردىڭ ىشىندە 7000 ادامدىق “تۇركىستان ارەنا” ستاديونى دا بار. ودان بولەك، “الاتاۋ مەديا ورتالىعى”، 1000 ادامدىق “كونگرەسس حولل” كونتسەرت زالى، مۋزەيلەر مەن تەاترلار جانە ۆيزيت ورتالىقتار بار.

ال، شاھارداعى بارلىق قۇرىلىس يۋنەسكو تاراپىنان ياساۋي كەسەنەسىنە قويىلاتىن تالاپتارعا ساي جاسالعان. بۇل دەگەنىڭىز اتالعان نىساندار كيەلى كەسەنەدەن بيىك بولمايدى، ەڭسەسىن تۇسىرمەيدى دەگەن ءسوز.

دەمەك، الداعى ۋاقىتتا تۇركىستان حالىقارالىق دەڭگەيدەگى تۋريستىك ورتالىققا اينالادى دەۋگە تولىق نەگىز بار.

بۇگىندە بارشا الەمدى الاڭداتىپ وتىرعان پاندەميانىڭ اكەلگەن داعدارىسىنا قاراماستان تۇركىستان وڭىرىندە ءتۋريزمدى دامىتۋ ءۇشىن وسىنداي ىرگەلى ىستەر اتقارىلىپ جاتىر. بۇل ءوز كەزەگىندە ەلىمىزدىڭ تۋريستىك الەۋەتىن دامىتۋعا مەملەكەت تاراپىنان ۇلكەن قولداۋ بار ەكەنىن ايعاقتايتىنداي. سەبەبى، ەل ەكونوميكاسىنا تۋريزم سالاسىنىڭى تيگىزەر پايداسى شاش ەتەكتەن. دەمەك، الداعى ۋاقىتتا دا قازاقستان ءوزىنىڭ باي تابيعاتى مەن تاريحي ورىندارىن وسىلايشا ءتۋريزمنىڭ ورتالىعىنا اينالدىرۋى ءتيىس.

Abai.kz