بۇل تۋرالى ربك اگەنتتىگىنە ارمەنيا پرەمەر-ءمينيسترى نيكول پاشينيان مالىمدەدى. ونىڭ ايتۋىنشا، جالدامالى اسكەردىڭ جارىمى جانجال ايماعىنان كەتكەن جوق.
بۇنىڭ الدىندا تاۋلى قاراباقتا ازەربايجان جاعىندا تۇركيادان كەلگەن جالدامالى جاۋىنگەرلەر سوعىسىپ جۇرگەنىن رەسەيدىڭ اسكەريلەرى مەن فرانتسيا پرەزيدەنتى ەممانۋەل ماكرون حابارلاعان. انكارا بۇل ايىپتاۋلاردى جوققا شىعاردى. ازەربايجاننىڭ قورعانىس مينيسترلىگى بولسا ۇرىس الاڭىندا وققا ۇشقان ارميان جاۋىنگەرلەرى اراسىندا سيريا مەن تاياۋ شىعىستاعى ەتنيكالىق ارمياندار بولعانىن مالىمدەدى.
اقپارات قۇرالدارىنىڭ حابارلاۋىنشا، 7 قازاندا تاۋلى قاراباققا قاتىستى ەكى ءتۇرلى اقپارات ءتۇستى. باكۋ ءوز اسكەرىنىڭ جەتىستىكتەرى تۋرالى مالىمدەمەسە، ەرەۆەن جاۋدىڭ شابۋىلىنا تويتارىس بەرىلگەنى تۋرالى حابارلادى.
رەسەيدىڭ قورعانىس ءمينيسترى سەرگەي شويگۋ ايماقتاعى جانجالدى ارمەنيا جانە ازەربايجان قورعانىس مينيسترلەرىمەن تالقىلاعان. كەلىسسوزدەر تۋرالى مالىمەت حابارلانبادى.
تاۋلى قاراباقتاعى جاعداي 27 قىركۇيەكتە تاڭەرتەڭ ۋشىعىپ كەتتى. ايماقتا اسكەري قيمىلدار باستالدى. ارمەنيا مەن ازەربايجان اسكەري جاعدايعا كوشتى.
Abai.kz
