اتىراۋ وبلىسىندا 2020 جىلعى 12 قازان ساعات 00:00-دەن باستاپ COVID-19-دىڭ ەپيدەميولوگيالىق احۋالى تۇراقتانعانعا دەيىن شەكتەۋ شارالارى ۇزارتىلدى.

ايماقتىڭ باس سانيتار دارىگەرىنىڭ قاۋلىسىنا سايكەس،

قوعامدىق تاماقتانۋ ورىندارىنىڭ، مەيرامحانالار مەن كافەلەردىڭ، سونداي-اق ءىرى سۋپەرماركەتتەردىڭ جۇمىس ۋاقىتى 22.00-گە دەيىن قىسقارادى;

جابىق ازىق-تۇلىك جانە ازىق-تۇلىك ەمەس بازارلاردىڭ جالپى جۇمىس جاساۋ ۋاقىتى 17.00-گە دەيىن قىسقارادى;

ساۋدا-ويىن-ساۋىق ورتالىقتارىنىڭ، ساۋدا ۇيلەرىنىڭ (بۋتيكتەردىڭ), ساۋدا جەلىلەرىنىڭ قىزمەتىنە، ازىق – تۇلىك بولىمدەرى مەن ءدارىحانالاردى قوسپاعاندا جۇمىس جاساۋ ۋاقىتى ساعات 22:00-گە دەيىن قىسقارادى;

جاتتىعۋ زالدارىنىڭ، فيتنەس-ورتالىقتاردىڭ،سپورت سەكتسيالارىنىڭ، سپورتتىق-ساۋىقتىرۋ ورتالىقتارىنىڭ قىزمەتى توقتاتىلادى;

ساياحاتتاۋ كاتەرلەر قىزمەتى (وزەن ترامۆايى) توقتاتىلادى.

دەمالىس جانە مەرەكە كۇندەرى:

ازىق-تۇلىك سۋپەرماركەتتەرى مەن ولارداعى ءدارىحانالاردى قوسپاعاندا، ساۋدا جانە ويىن-ساۋىق ورتالىقتارىنىڭ (بۋتيكتەر), ساۋدا ۇيلەرىنىڭ، ساۋدا جەلىلەرىنىڭ قىزمەتى توقتاتىلادى;

ازىق-تۇلىك ەمەس جانە ازىق-تۇلىك جابىق بازارلاردىڭ قىزمەتى توقتاتىلادى;

قوعامدىق ورىنداردا ماسكا تاعۋ رەجيمىن ساقتاۋ ماڭىزدى بولىپ قالا بەرەدى!

Abai.kz