ەۋروپالىق وداقتىڭ رەسمي وكىلى پيتەر ستانو تاجىكستان بيلىگى ەۋروپاداعى ىنتىماقتاستىق جانە قاۋىپسىزدىك ۇيىمى ميسسياسىنىڭ ناۋرىز ايىندا وتكەن پارلامەنت سايلاۋىنان كەيىنگى ۇسىنىستارىن ەلەمەدى دەپ مالىمدەدى.

اتاپ ايتقاندا، تاۋەلسىز باق پەن ساياسي ءپليۋراليزمدى قامتاماسىز ەتپەدى.

تاجىكستاننىڭ ورتالىق سايلاۋ كوميسسياسى 12 قازاندا قازىرگى پرەزيدەنت ەمومالي راحموننىڭ 90,92 پروتسەنت داۋىس جيناپ، جەڭىسكە جەتكەنىن مالىمدەدى.

تاجىكستان بيلىگى سوڭعى جىلدارى حالىقارالىق ۇيىمدار تاراپىنان تاۋەلسىز باق وكىلدەرى قۋدالانادى دەپ سىنعا الىنىپ كەلەدى. ەۋروپالىق وداق ەقىۇ باقىلاۋشىلارىنىڭ ۇسىنىسىن جۇزەگە اسىرۋ ءۇشىن كومەكتەسۋگە دايىنبىز دەپ مالىمدەدى.

ال تاجىكستاندا وتكەن پرەزيدەنت سايلاۋىنىڭ ناتيجەسى بويىنشا ەقىۇ باقىلاۋشىلارى ءبىر جارىم ايدىڭ ىشىندە مالىمدەمە جاسايدى.

تاجىكستاننىڭ ۇلتتىق اليانسى جەتەكشىسى مۋحيددين كابيري پرەزيدەنت سايلاۋىن زاڭسىز دەپ تانيتىنىن جەتكىزدى. ول سايلاۋ دەموكراتيا تالاپتارىنا مۇلدەم سايكەس كەلمەدى دەدى.

"گرۋپپا 24" وپپوزيتسيالىق توبىنىڭ ليدەرى سۋحروب زافار دا پرەزيدەنت سايلاۋىنىڭ ناتيجەسىن مويىندامايتىنىن جەتكىزدى.

ەمومالي راحمون تاجىكستاندى 1994 جىلدان بەرى باسقارىپ كەلەدى. تاجىكستاننىڭ سايلاۋ زاڭدارىنا سايكەس، ءبىر ادام ەكى مەرزىمنەن استام پرەزيدەنت بولا المايدى. بىراق 2016 جىلى كونستيتۋتسياعا وزگەرىس ەنگىزىلىپ، ەمومالي راحموندى ۇلت ليدەرى رەتىندە تانىپ، وعان سايلاۋعا تۇسۋگە شەكسىز مۇمكىندىك بەرىلدى.

دەرەككوز: Centralasian.org

Abai.kz