بيىلعى 9 ايدا ەلىمىزدە 8,9 مىڭ جول-كولىك وقيعاسى تىركەلدى. بۇل وتكەن جىلمەن سالىستىرعاندا 22,2 پايىزعا از. 2019 جىلدىڭ وسى كەزەڭىندە 11,5 مىڭ جول اپاتى تىركەلگەن ەدى (جىلىنا +3,4%).

ەلدەگى بارلىق جول-كولىك وقيعالارىنىڭ تورتتەن ءبىرى وڭتۇستىك استانادا بولعان - 2,2 مىڭ ء(بىر جىل بۇرىنعىدان 34,9%-عا از). جول اپاتى ەڭ كوپ بولعان ايماقتارعا سونداي-اق الماتى (1,5 مىڭ اپات، جىلىنا مينۋس 12%) جانە جامبىل (660 اپات، مينۋس 27,2%) وبلىستارى كىردى.

«رەسپۋبليكا اۋماعىنداعى بارلىق اپاتتىڭ 96%-ى جىلدامدىقتى اسىرۋ، تىيىم سالىنعان جانە قاۋىپتى جەرلەردى كەسىپ ءوتۋ سالدارىنان بولادى»، - دەپ حابارلايدى يندۋستريا جانە ينفراقۇرىلىمدىق دامۋ مينيسترلىگىنiڭ اۆتوموبيل جولدارى كوميتەتى.

مامانداردىڭ ايتۋىنشا، ءار وڭىردەگى كارانتيندىك شارالاردىڭ ەنگىزىلۋى جول اپاتىنىڭ سانىن ازايتۋعا ىقپال ەتتى. الايدا اۆتوكولىكتەردىڭ قوزعالىسىنا شەكتەۋ شارالارىنىڭ الىنىپ تاستالۋى جانە كولىك اعىمىنىڭ ارتۋى اپاتتاردىڭ كۇرت وسۋىنە اكەلدى.

توعىز ايدىڭ قورىتىندىسى بويىنشا جول اپاتىنان 13 مىڭ ادام زارداپ شەكتى. بۇل وتكەن جىلمەن سالىستىرعاندا 22,7%-عا از. ونىڭ 11,8 مىڭى جاراقات الدى (وتكەن جىلدىڭ سايكەس كەزەڭىمەن سالىستىرعاندا 23,1% از). زارداپ شەككەندەردىڭ 6,6 مىڭى - ەرلەر، 5,1 مىڭى - ايەلدەر، 2 مىڭى - كامەلەتكە تولماعاندار.

جىل باسىنان بەرى جول-كولىك وقيعالارى سالدارىنان 1,3 مىڭ ادام كوز جۇمدى. وتكەن جىلمەن سالىستىرعاندا 18,5%-عا از. ونىڭ 948-ءى - ەر ادامدار، 315-ءى - ايەلدەر جانە 114-ءى كامەلەتكە تولماعاندار.

Abai.kz