«سايقىمازاق سايلاۋدان كەتتىك!»
سايقىمازاق
سايلاۋدان كەتتىك -
دەيدى وپپوزيتسيالىق ۇمىتكەرلەر
وراتالىق سايلاۋ كوميسسياسىنىڭ زاڭسىز شەشىمىمەن جالپىۇلتتىق سوتسيال-دەموكراتيالىق پارتياسىنىڭ سەركەسى بولات ءابىلوۆ پەن پارتيانىڭ بەلدى مۇشەسى گۇلجان ەرعاليەۆا ۇمىتكەرلەر تىزىمىنەن الىنىپ تاستالدى. وسك-نىڭ وسى ورەسكەل حابارى ەلەكتروندى ءباسپاسوز بەتتەرىندە جاريالانىسىمەن، جسدپ-نىڭ اتىنان سايلاۋعا ءتۇسىپ جاتقان ەكى ۇمىتكەر - قوس رەداكتور رىسبەك سارسەنبايۇلى («جاس الاش») مەن سەرعازى مۇحتاربەك («قازاقستان») سايقىمازاق سايلاۋعا تۇسۋدەن باس تارتاتىندىقتارىن جاريا ەتتى.
رىسبەك سارسەنبايۇلى،
«جاس الاش» گازەتىنىڭ
باس رەداكتورى:
- مەنى سايلاۋدان باس تارتتىرعان سەبەپ - ورتالىق سايلاۋ كوميسسياسىنىڭ بولات ءابىلوۆ پەن گۇلجان ەرعاليەۆانى ناقاقتان سايلاۋعا ءتۇسۋ مۇمكىندىكتەرىنەن ايىرعان قيتۇرقى شەشىمى بولدى. ويتكەنى ول ەكەۋى بۇگىنگى بيلىكتىڭ جۇيەسىنە اشىق قارسى شىعىپ، حالىق ءسوزىن سويلەپ جۇرگەن قايسارلار ەدى. سوندىقتان بيلىك ول ەكەۋىنىڭ پارلامەنتكە بارۋلارىنان قورقادى. جاسىراتىنى جوق، جاڭاوزەندەگى وقيعادان كەيىن حالىقتىڭ بيلىككە قارسىلىعى اشىققا شىعا باستادى، مۇنداي جاعدايدا پارلامەنتكە بولات پەن گۇلجاننىڭ بارۋى بيلىك ءۇشىن تىپتەن قولايسىز بولعان سياقتى.
سايقىمازاق
سايلاۋدان كەتتىك -
دەيدى وپپوزيتسيالىق ۇمىتكەرلەر
وراتالىق سايلاۋ كوميسسياسىنىڭ زاڭسىز شەشىمىمەن جالپىۇلتتىق سوتسيال-دەموكراتيالىق پارتياسىنىڭ سەركەسى بولات ءابىلوۆ پەن پارتيانىڭ بەلدى مۇشەسى گۇلجان ەرعاليەۆا ۇمىتكەرلەر تىزىمىنەن الىنىپ تاستالدى. وسك-نىڭ وسى ورەسكەل حابارى ەلەكتروندى ءباسپاسوز بەتتەرىندە جاريالانىسىمەن، جسدپ-نىڭ اتىنان سايلاۋعا ءتۇسىپ جاتقان ەكى ۇمىتكەر - قوس رەداكتور رىسبەك سارسەنبايۇلى («جاس الاش») مەن سەرعازى مۇحتاربەك («قازاقستان») سايقىمازاق سايلاۋعا تۇسۋدەن باس تارتاتىندىقتارىن جاريا ەتتى.
رىسبەك سارسەنبايۇلى،
«جاس الاش» گازەتىنىڭ
باس رەداكتورى:
- مەنى سايلاۋدان باس تارتتىرعان سەبەپ - ورتالىق سايلاۋ كوميسسياسىنىڭ بولات ءابىلوۆ پەن گۇلجان ەرعاليەۆانى ناقاقتان سايلاۋعا ءتۇسۋ مۇمكىندىكتەرىنەن ايىرعان قيتۇرقى شەشىمى بولدى. ويتكەنى ول ەكەۋى بۇگىنگى بيلىكتىڭ جۇيەسىنە اشىق قارسى شىعىپ، حالىق ءسوزىن سويلەپ جۇرگەن قايسارلار ەدى. سوندىقتان بيلىك ول ەكەۋىنىڭ پارلامەنتكە بارۋلارىنان قورقادى. جاسىراتىنى جوق، جاڭاوزەندەگى وقيعادان كەيىن حالىقتىڭ بيلىككە قارسىلىعى اشىققا شىعا باستادى، مۇنداي جاعدايدا پارلامەنتكە بولات پەن گۇلجاننىڭ بارۋى بيلىك ءۇشىن تىپتەن قولايسىز بولعان سياقتى.
ال جاڭاوزەندىكتەردىڭ سايلاۋ قۇقىقتارى بىردە وسك-نىڭ، بىردە نازارباەۆتىڭ تەپكىسىنە ءتۇسىپ جاتسا، ازامات قۇقىن اياققا تاپتاعان بۇل قانداي سايلاۋ بولماق؟ قىسقاسى، نازارباەۆتىڭ جاڭاوزەندە سايلاۋ وتكىزبەۋ تۋرالى وسك-نىڭ شەشىمىنە «ۆەتا» قويۋى مەن ءابىلوۆ پەن ەرعاليەۆانىڭ سايلاۋدان سىرىلۋى بىرىنە-ءبىرى بايلانىستى اڭگىمە. سونداي-اق «رۋحانياتتىڭ» باسىنا ۇيىرىلگەن بۇلت تا - بيلىكتىڭ ساياسي ويىنى. سوندىقتان مۇنداي سايقىمازاق سايلاۋعا ءتۇسۋدان ءوز ەركىممەن باس تارتتىم.
سەرعازى مۇحتاربەك،
«قازاقستان» گازەتىنىڭ
باس رەداكتورى:
- سايلاۋعا تۇسۋدەن باس تارتقانىم تۋرالى مالىمدەگەنىم راس. ويتكەنى بيلىكتىڭ ارىپتەسىم گۇلجان ەرعاليەۆا مەن بولات ءابىلوۆتى سايلاۋ تىزىمىنەن سىزىپ تاستاعانى جەكە ازاماتتىق ۇستانىمىما قايشى كەلدى، سوندىقتان مۇنداي قۇيىرشىق سايلاۋعا تۇسۋدەن باس تارتتىم. زاڭ بويىنشا سايلاۋعا ساناۋلى كۇن قالعاندا ۇمىتكەرلەردى «تەكسەرۋ» - زاڭسىز ارەكەت. انىعىندا ەرعاليەۆا مەن ءابىلوۆ جاڭاوزەنگە قايتا-قايتا بارعاندىقتارى ءۇشىن سايلاۋدان شەتتەتىلدى. ونىڭ ۇستىنە ول ەكەۋى دە پارلامەنتكە بارسا، بيلىكتىڭ ايداۋىنا كونە قوياتىندار ەمەس قوي. قىسقاسى، وسك-نىڭ ەرعاليەۆا مەن ءابىلوۆ جونىندە تاپقان سەبەپتەرى قيسىنسىز.
مەيلى قانداي جولمەن، قانداي جاعدايدا بولسىن، پارلامەنتكە بارىپ، ەل ءسوزىن سويلەۋ كەرەك شىعار، بىراق ودان نە ۇتامىز؟ سەبەبى ءدال قازىرگى ساياسي جاعدايدا پارلامەنتكە وپپوزيتسيادان ەڭ كوپ بولسا 5-6 ادام وتەر، ونىمەن نە شەشىلەدى؟ بۇگىنگى بيلىك جۇيەسى وزگەرمەي، بارلىق شەشىمدەردى جالعىز «نۇر وتان» شىعاراتىن «ءداستۇر» ساقتالا بەرەدى.
ءبىز جۇيەنى وزگەرتۋىمىز كەرەك!
«D»
«وبششەستۆەننايا پوزيتسيا»
(پروەكت «DAT» № 02 (130) 11 قاڭتار 2012 جىل
