«ەل ۇلەسى – پاتەرگە» جوباسى اياسىندا 283-ءشى باسپانا ەكى بىردەي بالاسى سال اۋرۋىنا شالدىققان جالعىز باستى انا تاڭسامال حايىروۆاعا بۇيىردى.

«اللا تاعالا مۇسىلماننىڭ مۇسىلمانعا قامقور بولۋىن بۇيىرعان. قازاقستان مۇسىلماندارى ءدىني باسقارماسىنىڭ نەگىزگى باعىتىنىڭ ءبىرى دە قايىرىمدىلىق. وسى رەتتە، مۇفتياتقا قاراستى «زەكەت» قورى ارقىلى 283-ءشى باسپانا ەكى بىردەي ناۋقاس بالانى جالعىز تاربيەلەپ وتىرعان باتىر اناعا بۇيىرىپ وتىر. شاڭىراعىڭىز شاتتىققا تولسىن. قۋانىشىڭىزعا ورتاقپىز» دەدى باس ءمۇفتي.

ايتا كەتكەن ءجون، تاڭسامال حايىروۆا 2013 جىلدان بەرى پاتەر جالداپ، باسپانا ازابىن تارتىپ كەلەدى. ءۇي كىلتىن الىپ تۇرىپ كوزىنە جاس العان انا:
«اللا تاعالا سىزدەرگە رازى بولعاي. ەكى بالامەن ءجۇرىپ، ۇيدەن ۇيگە كوشۋ وڭاي ەمەس. ءبىز ءۇشىن بۇل ومىرىمىزدەگى ەڭ ەرەكشە، ۇمىتىلماس ءسات» دەدى باسپانا باقىتى بۇيىرعان تاڭسامال حايىروۆا.

جىلىوي اۋدانىنا قاراستى قۇلسارى قالاسىنان تاپسىرىلىپ وتىرعان ەكى بولمەلى پاتەردە بارلىق جاعداي جاسالعان. سالتاناتتى شارا سوڭىندا باس ءمۇفتي قايىرىمدىلىققا اتسالىسقان ازاماتتارعا العىسىن ءبىلدىردى.

Abai.kz