ءشارىپحان قايسار. تاۋەلسىزدىكتىڭ 20 جىلدىعى توسبەلگىسى جانە قورتىق سەزىم
ەل ەگەمەندىگىنىڭ 20 جىلدىعى قارساڭىندا كوزايىم بولعان توسبەلگى توڭىرەگىندە قاۋەسەت تە، اڭگىمە دە، «جىر» دا جەتەدى. ەل بولىپ ەڭسە كوتەرگەندە، ون ميلليون ىشتەگى قازاق تۇگىلى، سىرتتاعى بەس ميلليون دا اتويلاعان جوق پا؟! ارينە، ەلدىڭ ەل بولۋىنا ۇلەس قوسقان ەردىڭ سانى ودان مىڭ ەسە ءتىپتى، ون مىڭ ەسە از بولاتىنى تۇسىنىكتى. بىراق توسبەلگىنىڭ تارالۋ ايماعى مەن ۇلەستىرۋ ۇردىسىنە قاراعاندا، تاۋەلسىزدىك تابارىگىنىڭ ءمانى تارك ەتىلگەندەي سىڭاي بار.
«توسبەلگى-20»-نى ەڭ اۋەلى اتقارۋشى بيلىكتەگى شەندىلەر تاقتى وڭىرلەرىنە، ودان قالدى اعايىن-باۋىرلارى تاقتى، سەبەبى، بىزدەگى بيلىك قابىلەت پەن بىلىككە قاتىستى ەمەس، تۋىستىق پەن پاراقورلىققا نەگىزدەلە تۇزىلگەنىن جوققا شىعارۋ قيىننىڭ قيىنى.
ەل ەگەمەندىگىنىڭ 20 جىلدىعى قارساڭىندا كوزايىم بولعان توسبەلگى توڭىرەگىندە قاۋەسەت تە، اڭگىمە دە، «جىر» دا جەتەدى. ەل بولىپ ەڭسە كوتەرگەندە، ون ميلليون ىشتەگى قازاق تۇگىلى، سىرتتاعى بەس ميلليون دا اتويلاعان جوق پا؟! ارينە، ەلدىڭ ەل بولۋىنا ۇلەس قوسقان ەردىڭ سانى ودان مىڭ ەسە ءتىپتى، ون مىڭ ەسە از بولاتىنى تۇسىنىكتى. بىراق توسبەلگىنىڭ تارالۋ ايماعى مەن ۇلەستىرۋ ۇردىسىنە قاراعاندا، تاۋەلسىزدىك تابارىگىنىڭ ءمانى تارك ەتىلگەندەي سىڭاي بار.
«توسبەلگى-20»-نى ەڭ اۋەلى اتقارۋشى بيلىكتەگى شەندىلەر تاقتى وڭىرلەرىنە، ودان قالدى اعايىن-باۋىرلارى تاقتى، سەبەبى، بىزدەگى بيلىك قابىلەت پەن بىلىككە قاتىستى ەمەس، تۋىستىق پەن پاراقورلىققا نەگىزدەلە تۇزىلگەنىن جوققا شىعارۋ قيىننىڭ قيىنى.
استاناداعى ايتىلىپ جۇرگەن اڭگىمەنىڭ اۋانىنا قاراعاندا، كەيبىرەۋلەر ەكى-ءۇش ۇيىمنىڭ اتىنان جاسالعان ءتىزىم بويىنشا بىرنەشەۋىن يەلەنىپ، بالا-شاعاسىمەن قارىق بولىپتى. جارايدى، «ولگەندە كورگەن ۇلى توي» دەمەكشى، الىپ جاتقان پاراقور بولسا دا، قازاق قوي! «قازاق» دەپ سوقپاسا دا ء(ويتىپ سوقسا جۇرەگى، ونداي داراقىلىققا بارار ما ەدى، ول باتشاعارلار!) كەۋدەسى، ءوڭىرى سىلدىراسىن، ايتەۋىر. ال، بيلىككە ءبىر تابان جاقىن جانداردىڭ ءسوز لامىنە سەنسەك، قازاق تويىنىڭ «باس ۇيىمداستىرۋشىسى» -- رەسەيلىك پروديۋسەر كرۋتوي قولىنا الگى توسبەلگىنىڭ وتىزىن ۋىستاپ ۇستاپ جۇرگەن ەكەن. بۇل - استانالىقتار اراسىندا تاۋسىلمايتىن جىرعا اينالعان اڭگىمە. قايران تاريحىم-اي! وسى كۇيگە جەتە الماي، كوزى جاساۋراپ وتىرعان تاتار-باشقۇرت باۋىرلارعا كورسەتكەن ۇلگىمىز بە، قىرىمىز با؟
ەلدىڭ تۇكپىر-تۇكپىرىندە جەر مەن ءتىلدى، ۇلتتىق اردى قورعاپ، 20 جىلدىق ومىرلەرىن سارپ ەتكەن، ءتىپتى، بۇل كۇنگە جەتپەي ءۇزىلىپ كەتكەن ازاماتتار دىمسىز قالدى... ءمان مەن ماعىنادان جۇرداي توسبەلگىسى قۇرىسىنشى... الگى ابزال جانداردىڭ ەلدىككە ۇمتىلعان سەزىمدەرىنىڭ اياقاستى بولعانىن قاراسايشى! جاس ۇرپاققا نە بەتىمىزدى ايتامىز؟ ەلدىك رۋحتى نەمەن نىعايتامىز؟ تارك ەتىلگەن تابارىكتەن تۋىندايتىن قورتىق سەزىممەن قور بولمايمىز با؟
«اباي-اقپارات»
