الماتىدا كوپتەگەن ادامداردىڭ قاتىسۋىمەن وتەتىن ميتينگىلەرگە تىيىم سالۋ ماسەلەسى قاراستىرىلۋدا. بۇل تۋرالى قالانىڭ باس مەملەكەتتىك سانيتارلىق دارىگەرى جانداربەك بەكشين مالىمدەدى.

«ەستەرىڭىزگە سالا كەتەيىن، ءبىز اۋقىمدى ميتينگتەرگە تىيىم سالۋ ماسەلەسىن دە قاراستىرىپ جاتىرمىز. قىركۇيەك ايىندا ميتينگتەرگە رۇقسات بەرىلدى. ول كەزدە اۋرۋ دەڭگەيى بىرقالىپتى بولدى. ميتينگتەر قاۋىپسىزدىك شارالارىن ساقتاي وتىرىپ ءوتتى. بىراق قازىر جاعداي وزگەرۋدە»، - دەدى بەكشين.

باس مەملەكەتتىك سانيتارلىق دارىگەر پاندەميا جاعدايىندا 10 ادامنان ارتىق ادامنىڭ جينالۋىنا بولمايتىنىن اتاپ ءوتتى.

«بۇل ءبىر وتباسى قاتىساتىن وتباسىلىق شارالارعا قولدانىلمايدى»، - دەدى ول.

Abai.kz