بىرەر كۇننەن كەيىن ەلىمىزدىڭ قوعامدىق-ساياسي ومىرىندە ماڭىزى وتە زور وقيعا - سايلاۋ وتەتىنى بەلگىلى. سوڭعى بىرنەشە اپتا بويى تاۋەلسىزدىكتىڭ 20-جىلدىعىن جانە جاڭا جىلدىڭ باستالۋىن تويلاۋمەن قاباتتاس كەلگەن سايلاۋ ناۋقانى پارتيالىق باسەكەلەستىكتى قىزدىرا ءتۇستى.

ءماجىلىس سايلاۋىنا قاتىسقالى وتىرعان ساياسي پارتيالاردىڭ باسشى وكىلدەرىنىڭ قاتىسۋىمەن وتكەن تەلەديدار پىكىرسايىسىن تاماشالاعان كورەرمەن «نۇر وتان» پارتياسىنىڭ جاناشىرلارىن ودان سايىن جىگەرلەندىرە تۇسسە، وپپوزيتسيانىڭ جاقتاستارىن تاڭداي قاقتىرعانى انىق.

ءوز باسىم بۇل دودادان ۇلكەن ۇمىتتە بولعان ەدىم. بىراق، وپپوزيتسيا كوشىن باستاپ جۇرگەن جالپىۇلتتىق سوتسيال-دەموكراتيالىق پارتياسىنىڭ پىكىرسايىسقا قاتىسۋ ءۇشىن تاڭداعان وكىلى كورەرمەن قاۋىمدى ءوز جاعىنا قاراتا الماعانى كورىنىپ-اق تۇر. تىلگە شەشەن، سوزگە باي، حالىققا كەڭىنەن تانىمال تۇلعالارعا وسى پارتيا قاتارى لىق تولى. وكىنىشكە وراي سايلاۋعا بولار-بولماس ۋاقىت قالعان شاقتا جسدپ-نىڭ بەلدى وكىلى بولات ءابىلوۆ مىرزانىڭ سايلاۋ باسەكەسىنەن شىعىپ قالعانى بولماسا، ودان باسقا دا ءامىرجان قوسانوۆ، توحتار اۋباكىروۆ، بالتاش تۇرسىنباەۆ سىندى قايراتكەرلەرىن سايلاۋشىلار الدىنا شىعارماعانى كوپشىلىكتى شىنىمەن دە تاڭداندىردى. 

بىرەر كۇننەن كەيىن ەلىمىزدىڭ قوعامدىق-ساياسي ومىرىندە ماڭىزى وتە زور وقيعا - سايلاۋ وتەتىنى بەلگىلى. سوڭعى بىرنەشە اپتا بويى تاۋەلسىزدىكتىڭ 20-جىلدىعىن جانە جاڭا جىلدىڭ باستالۋىن تويلاۋمەن قاباتتاس كەلگەن سايلاۋ ناۋقانى پارتيالىق باسەكەلەستىكتى قىزدىرا ءتۇستى.

ءماجىلىس سايلاۋىنا قاتىسقالى وتىرعان ساياسي پارتيالاردىڭ باسشى وكىلدەرىنىڭ قاتىسۋىمەن وتكەن تەلەديدار پىكىرسايىسىن تاماشالاعان كورەرمەن «نۇر وتان» پارتياسىنىڭ جاناشىرلارىن ودان سايىن جىگەرلەندىرە تۇسسە، وپپوزيتسيانىڭ جاقتاستارىن تاڭداي قاقتىرعانى انىق.

ءوز باسىم بۇل دودادان ۇلكەن ۇمىتتە بولعان ەدىم. بىراق، وپپوزيتسيا كوشىن باستاپ جۇرگەن جالپىۇلتتىق سوتسيال-دەموكراتيالىق پارتياسىنىڭ پىكىرسايىسقا قاتىسۋ ءۇشىن تاڭداعان وكىلى كورەرمەن قاۋىمدى ءوز جاعىنا قاراتا الماعانى كورىنىپ-اق تۇر. تىلگە شەشەن، سوزگە باي، حالىققا كەڭىنەن تانىمال تۇلعالارعا وسى پارتيا قاتارى لىق تولى. وكىنىشكە وراي سايلاۋعا بولار-بولماس ۋاقىت قالعان شاقتا جسدپ-نىڭ بەلدى وكىلى بولات ءابىلوۆ مىرزانىڭ سايلاۋ باسەكەسىنەن شىعىپ قالعانى بولماسا، ودان باسقا دا ءامىرجان قوسانوۆ، توحتار اۋباكىروۆ، بالتاش تۇرسىنباەۆ سىندى قايراتكەرلەرىن سايلاۋشىلار الدىنا شىعارماعانى كوپشىلىكتى شىنىمەن دە تاڭداندىردى. 

تۇياقباي مىرزانىڭ ءسوز سويلەۋدە تىلگە ورالىمسىزدىعىنا قوسا، ءوز-وزىنە سەنىمسىزدىگى دە كورىنىپ تۇردى. جسدپ باسشىسى كوتەرگەن ماسەلەلەر باسقا پارتيا وكىلدەرىنىڭ سوزدەرىندە كوبىرەك كورىنىس تاپقان. جاڭاوزەن ماسەلەسى بولسا، دودانىڭ اياقتالۋىنا از ۋاقىت قالعاندا عانا كوتەرىلدى. وعان قوسا، مەملەكەتتىك ءتىلدى بارىنشا مەڭگەرگەن جارماحان ايتبايۇلى بيلىك پارتياسى وكىلى نۇرلان نىعماتۋلين، پاتريوتتار پارتياسىنىڭ وكىلى گۇلدانا نۇرپەيىسوۆا، «اق جول» پارتياسى باسشىسى ازات پەرۋاشەۆپەن سالىستىرعاندا وسى قىرىنان دا ءوز-ءوزىن بارىنشا كورسەتە الماۋى دا قىنجىلتتى. قازاقي اۋديتوريانى وزىنە قاراتا العانى كۇمان تۋعىزادى. ياعني جسدپ ءوزىنىڭ ۇتىمدى جاقتارىن مۇلدەم قولدانا العان جوق. بۇل جاعداي وپپوزيتسيالىق پارتيالارعا ونسىز دا قىرىن قاراپ جۇرگەن قانداستارىمىزدى ودان سايىن ۇركiتىپ جىبەرمەي مە دەپ ويلايسىڭ.

ارينە، دايىندىققا بەرىلگەن 3 كۇنگە جۋىق ۋاقىت پارتيالار ءۇشىن جەتكىلىكسىز بولعان شىعار. الايدا، وسىنداي جاقسى مۇمكىندىكتى وپپوزيتسيا وكىلدەرى بارىنشا قولدانا الماعانى وكىنىشتى-اق. ەندىگى تاڭداۋ - وتانداستىرىمىزدىڭ قولىندا.