ازات پەرۋاشەۆ قانا اۋىل تاقىرىبىندا تەك قازاقشا سويلەدى...

ازات پەرۋاشەۆ قانا اۋىل تاقىرىبىندا تەك قازاقشا سويلەدى...

ورتالىق سايلاۋ كوميسسياسى ۇيىمداستىرعان پارلامەنت ماجىلىسىنە كەزەكتەن تىس سايلاۋعا ءتۇسىپ جاتقان 7 پارتيا اراسىندا 12 قاڭتار كۇنى وتكەن "حابار" ارناسىنداعى تەلەسايىستا «اق جول» پارتياسىنىڭ توراعاسى ازات پەرۋاشەۆ قانا الاش مۇراتىنا ادال، ناعىز ءىس پارتياسى جەتەكشىسى  ەكەنىن كورسەتتى. ونىڭ ەكونوميكالىق نەگىزگە سۇيەنگەن ءار ءسوزى، ءاربىر ۇسىنىسى ەلدىڭ ىقىلاسىن اۋداردى. ءيا، ازات پەرۋاشەۆ قانا اۋىل تاقىرىبىندا تەك قازاقشا سويلەدى. ول قالعان بارلىق تاقىرىپتا دا، الدىمەن تەك قازاقشا، سودان سوڭ ازعانا ورىسشا سويلەدى. ماسقارا بولعاندا، باسقا ءبىر دە - ءبىر پارتيا باسشىسى اۋىلدى وركەندەتۋ  تۋرالى سويلەپ وتىرىپ، اۋىل تىلىندە - قازاق تىلىندە ءبىر اۋىز ءسوز ايتپادى. «وپپوزيتسيامىز» دەپ كوكىرەك قاعاتىن جسدپ "ازات" پارتياسى توراعاسى جارماحان تۇياقباي دا، بيلىك پارتياسى نۇروتاندىق نيعماتۋللين دە، ادىلەتتىك ءۋاليحان قايساروۆ تا، ءتىپتى «اۋىل» پارتياسى توراعاسى عاني قاليەۆ تە ءبىر اۋىز قازاقشا ايتپادى-اۋ. مىنە، بۇل قۇلدىق پسيحولوگيا، ورىسقۇلدىق، تۇياقباي، نيگماتۋللين، قايساروۆ مىرزالار! تەك «اق جول» پارتياسى توراعاسى ازات پەرۋاشەۆ قانا الاش ارىستارىنىڭ اماناتىنا ادالدىعىن كورسەتىپ، ءسوزىن ىسپەن دالەلدەپ، ءبىر اۋىز ورىسشا قوسپاي قازاق تىلىندە اۋىلدى قالاي وركەندەتۋ كەرەك ەكەنىن ناقتى ۇسىنىستارمەن، ەكونوميكالىق نەگىزبەن دالەلدەپ شىقتى. بۇل ەندى ميلليونداعان كورەرمەندەر كۋا بولعان اقيقات. بۇل - ناقتى دالەل، ايقىن ايعاق. ەندى بۇعان نە وتىرىك، نە جالا ويلاپ تابادى ەكەن، «اق جولعا» قارا كۇيە جاعۋشى شاۋىلدەكتەر...  قالايشا ەندى بەتتەرى بۇلك ەتپەي ازات پەرۋاشەۆ تۋرالى وتىرىكتى  بوسپەكشى... ال قالعانىنىڭ اۋىل تۋرالى ورىسشا نە دەپ «وتتاعانىن»، مىسالى  1 ميلليونداي ورالماندار، 2-3 ميلليونداي اۋىل قازاقتارى تۇسىنگەن جوق. ازات پەرۋاشەۆتىڭ اۋىل شارۋاشىلىعىن سالىقتان بوساتۋ كەرەك، (انگليا، كانادادا ت.ب. ەلدەردە سولاي ەكەنىن دالەلدەپ بەردى), وتە جەڭىل كرەديتتەر بەرۋ كەرەك دەگەنى جانە ت.ب. قۇندى ۇسىنىستارى ءبىزدى قاتتى قۋانتتى. قۇر سوزدەن قۋىرداق قۋىرۋعا قۇمار جسدپ "ازات" سەكىلدى  ايعايشىل پارتيالاردىڭ فيليالدارى تۇتاس قۇرامىمەن ناقتى ءىستىڭ پارتياسى - «اق جولعا» ءوتۋىنىڭ سەبەبى وسىندا بولار، بالكىم... 

ءيا، ۇلتشىل اقىن قازىبەك يسا راس ايتىپتى، «اق جولدىڭ» جاڭا توراعاسى جايلى ماقالالارىندا جانە كەشە ءبىزدىڭ ولكەدەگى سايلاۋشىلارمەن كەزدەسۋلەرىندە...  ازات پەرۋاشەۆ الاش پارتياسى ىزباسارلىعىنا ادالدىعىن ىسپەن دالەلدەپ، اۋىل جايلى تەك قازاقشا سويلەگەن جالعىز پارتيا توراعاسى. سوندا وزگە پارتيالار توراعالارى: قازاق تىلىنە قارسى پارتيا -  نۇروتاندىق نۇرلان نيگماتۋللين، قازاق تىلىنە قارسى پارتيا  - جسدپ "ازاتتىق" جارماحان تۇياقباي، ادىلەتتىك قازاق تىلىنە قارسى - ءۋاليحان قايساروۆ، پاتريوتتىقتار ءۇشىن، ءتىپتى «اۋىل» پارتياسىنىڭ قازاق تىلىنە قارسى (پارادوكس) باسشىسى عاني قاليەۆتەر ءۇشىن اۋىل ادامدارى - قازاقتار، ميلليونداعان ورالماندار ادام ەمەس پە؟ جوق ولار ءالى رەسەيدىڭ وتارىندا جايىلىپ ءجۇر مە...

ازات پەرۋاشەۆ تۋرالى جالعان اقپارات تاراتۋشىلارعا ايتارىمىز، ول قازاقتى جاۋدان قورعاعان باس قولباسشى، ابىلاي حاننىڭ باس باتىرى قانجىعالى بوگەنباي باتىردىڭ 9-شى ۇرپاعى.  كەرەكۋ وڭىرىندەگى ەرەيمەنتاۋدىڭ تۋماسى. تۇركىستاندا ازىرەت سۇلتان كەسەنەسىندە جاتقان بوگەنباي باتىر باباسىنا كەشە ەلگە كەلگەندە زيارات ەتىپ شىقتى.  ەندەشە، بوگەنباي باتىر ۇرپاعى باستاعان «اق جولعا» داۋىس بەرەدى، وردالى وڭتۇستىكتىڭ قالىڭ قازاعى.

العا، «اق جول»!  اۋىل ەندى تەك "اق جولعا" داۋىس بەرەدى!

ءابدى عاپپار ،

وڭتۇستىك قازاقستان وبلىسى