قازاقستان سايلاۋعا حالىقارالىق بايقاۋشىلاردىڭ بەلسەندى قاتىسۋىن قۇپتايدى، دەپ مالىمدەدى قازاقستان رەسپۋبليكاسىنىڭ مەملەكەتتىك حاتشىسى قانات ساۋداباەۆ.

ءباسپاسوز قىزمەتىنىڭ مالىمەتىنشە، ساۋداباەۆ جۇمادا ەقىۇ پارلامەنتتىك اسسامبلەياسىنىڭ قۇرمەتتى پرەزيدەنتى، قر كەزەكتەن تىس پارلامەنتتىك سايلاۋداعى ەقىۇ پا باقىلاۋشىلار ميسسياسىنىڭ باسشىسى جواو سوارەشتى قابىلدادى.

قازاقستان سايلاۋعا حالىقارالىق بايقاۋشىلاردىڭ بەلسەندى قاتىسۋىن قۇپتايدى، دەپ مالىمدەدى قازاقستان رەسپۋبليكاسىنىڭ مەملەكەتتىك حاتشىسى قانات ساۋداباەۆ.

ءباسپاسوز قىزمەتىنىڭ مالىمەتىنشە، ساۋداباەۆ جۇمادا ەقىۇ پارلامەنتتىك اسسامبلەياسىنىڭ قۇرمەتتى پرەزيدەنتى، قر كەزەكتەن تىس پارلامەنتتىك سايلاۋداعى ەقىۇ پا باقىلاۋشىلار ميسسياسىنىڭ باسشىسى جواو سوارەشتى قابىلدادى.

قازاقستان رەسپۋبليكاسى مەن ەقىۇ-نىڭ، اسىرەسە قازاقستاننىڭ وسى مارتەبەلى حالىقارالىق ۇيىمعا توراعالىعى كەزەڭىندەگى سىندارلى جانە جەمىستى ىنتىماقتاستىعىن اتاپ ءوتىپ، مەملەكەتتىك حاتشى جواو سوارەشكە الداعى سايلاۋدى باقىلاۋ جونىندەگى ەقىۇ پارلامەنتتىك اسسامبلەياسى جەدەل كۇشەيتىلگەن ميسسياسى ءۇشىن العىس ايتتى.

«سايلاۋ قارساڭىندا قازاقستان ءوزىنىڭ 20 جىلدىعىن الەۋمەتتىك-ەكونوميكالىق، قوعامدىق-ساياسي دامۋىنداعى، ادامنىڭ باستى قۇقىقتارى مەن بوستاندىقتارىن قامتاماسىز ەتۋدە وراسان جەتىستىكتەرمەن اتاپ ءوتتى.  قازاقستاندىق قوعامدا، ءبىزدىڭ مەملەكەتىمىزدىڭ باسشىسى الداعى سايلاۋالدى ناۋقاندى اشىق، ءادىل جانە تازا وتكىزۋگە ۇلكەن ءمان بەرەدى. كەزەكتەن تىس پارلامەنتتىك سايلاۋ تاعى دا ەلىمىزدىڭ ۇدەمەلى دەموكراتيالىق دامۋىنىڭ قايتالانباس انىق دالەلىنىڭ بىرىنە اينالادى»، - دەپ اتاپ ءوتتى ق. ساۋداباەۆ. - سوندىقتان دا ءبىز سايلاۋعا حالىقارالىق باقىلاۋشىلاردىڭ بارىنشا كەڭىنەن جانە بەلسەندى قاتىسۋلارىن قۇپتايمىز، ولاردىڭ جۇمىسى ءۇشىن بارلىق قاجەتتى جاعدايدى جاسايمىز. ءوز كەزەگىندە، الداعى سايلاۋعا باعا بەرۋدە ولاردىڭ كاسىبي بىلىكتىلىگىنە، ادىلدىگى مەن بەيتاراپتىلىعىنا سەنىم ارتامىز».

وسى كۇنى قازاقستاننىڭ مەملەكەتتىك حاتشىسى ەۋروپا كەڭەسى پارلامەنتتىك اسسامبلەياسى ميسسياسىنىڭ باسشىسى ەلزا پاپاديميتريۋدى، ەقىۇ دەموكراتيالىق ينستيتۋتتار مەن ادام قۇقىقتارى جونىندەگى بيۋروسى ميسسياسىنىڭ باسشىسى ميكلوش ءحاراستيدى، تمد اتقارۋ كوميتەتى توراعاسىنىڭ ءبىرىنشى ورىنباسارى، قر كەزەكتەن تىس پارلامەنتتىك سايلاۋدى باقىلاۋ جونىندەگى تمد ميسسياسىنىڭ باسشىسى ۆلاديمير گاركۋندى قابىلدادى.

استانا، 13 قاڭ - قازاقستان جاڭالىقتارى اا.

newskaz.kz