بۇل جونىندە وزبەك ءتىلىن دامىتۋعا ارنالعان جارلىعىندا ايتىلعان.
شاۆكات ميرزياەۆ جارلىعىنا سايكەس، 2030 جىلعا قاراي ەلدەگى بالاباقشانىڭ 80 پروتسەنتى وزبەك تىلىندە ءجۇرۋى ءتيىس. سونىمەن بىرگە شەتەلدىكتەرگە ارنالعان وزبەك ءتىلى باعدارلاماسى دا جاسالىنادى.
2021 جىلدىڭ 1 ساۋىرىنەن باستاپ بارلىق دەڭگەيدەگى شەنەۋنىكتەردىڭ وزبەك ءتىلى مەن ادەبيەتى ءبىلىمى تەكسەرىلىپ، ارنايى سەرتيفيكات بەرىلەتىن بولادى.
2019 جىلدىڭ مامىر ايىندا الىشەر ناۆوي اتىنداعى تاشكەنت مەملەكەتتىك ۋنيۆەرسيتەتى جانىنان لاتىن ءالىپبيىن تولىق جەتىلدىرۋگە بايلانىستى جۇمىس توبى قۇرىلعان. لينگۆيستەر ءالىپبيدىڭ جاڭا نۇسقاسىندا 30 بەلگى: 29 ءارىپ پەن اپوستروف قالدىرۋدى شەشكەن.
Gazeta.uz باسىلىمىنىڭ جازۋىنشا، جاڭارتىلعان ءالىپبي 1993 جىلعى الىپبيگە ۇقسايدى. 1995 جىلى الىپبيگە وزگەرىس ەنگىزىلىپ، قوسىمشا بەلگىلەر قوسىلعان. ماماندار كەزىندە مۇنىڭ قيىندىق تۋعىزعانىن ايتقان. ەندى ءالىپبيدىڭ بارىنشا جەڭىلدەتىلگەن نۇسقاسى جاسالىنىپ جاتىر.
قازاقستاندا دا 2017 جىلدان بەرى لاتىن الىپبيىنە كوشۋ ماسەلەسى ءسوز بولىپ كەلەدى. بىراق ءالى تولىق كوشپەدى.
