پاۆلودار قالاسىندا كارانتين رەجيمىن ساقتاۋ بويىنشا باقىلاۋ توپتارىنىڭ رەيدتىك ءىس-شارالارى جالعاسۋدا. بۇل تۋرالى رavlodarnews.kz سايتى مالىمدەدى. 

-10 كۇننىڭ ىشىندە مونيتورينگ توبى 80-نەن استام نىساندى قامتىپ، ونىڭ 45-ىندە زاڭ بۇزۋشىلىقتاردى انىقتادى. ءتارتىپ بۇزۋشىلارعا قاتىستى قر اكىمشىلىك قۇقىق بۇزۋشىلىق كودەكسىنىڭ 425-بابى بويىنشا اكىمشىلىك حاتتامالار تولتىرىلدى. مىسالى، وتكەن دەمالىس كۇندەرى بىردەن ءتورت وتباسىلىق مەرەكەلىك شارا انىقتالدى، - دەيدى جەرگىلىكتى پوليتسيا قىزمەتىنىڭ باستىعى ارمان قاپتاەۆ.

مالايسارى باتىر كوشەسىندەگى مەيرامحانادا بىردەن ەكى ۇيلەنۋ تويى ۇيىمداستىرىلسا، گاگارين كوشەسىندەگى ءدامحانادا تاعى ءبىر توي وتكىزىلىپ جاتقان. بارلىق فاكتىلەر بويىنشا ماتەريالدار جينالىپ، ءتارتىپ بۇزۋشىلاردى اكىمشىلىك جاۋاپكەرشىلىككە تارتۋ ءۇشىن پاۆلودار قالاسىنىڭ تاۋارلار مەن قىزمەتتەردىڭ ساپاسىن مەن قاۋىپسىزدىگىن باقىلاۋ باسقارماسىنا جولداندى.

Abai.kz