بۇل تۋرالى اقش، ارمەنيا جانە ازەربايجاننىڭ ورتاق مالىمدەمەسىندە ايتىلادى.

وسىعان دەيىن اقش مەملەكەتتىك حاتشىسى مايك پومپەو ارمەنيا جانە ازەربايجان ءسىم باسشىلارىمەن كەزدەسكەن.

تاراپتار قازاندا ەكى رەت بىتىمگە كەلگەنىن جاريالاعان. بىتىمگەرلىك كەزدەسۋدىڭ ءبىرى ماسكەۋدە وتكەن. بىراق كەلىسىم شارتتارى ساقتالمادى.

جەكسەنبىدە ازەربايجان پرەزيدەنتى يلحام اليەۆ گۋبادلى قالاسىنىڭ بوساتىلعانىن مالىمدەگەن.

ەگەر بۇل اقپارات راس بولسا، بۇل 1990 جىلداردىڭ باسىنان بەرى ارميان كۇشتەرىنىڭ باقىلاۋىندا بولىپ، قىركۇيەكتە باستالعان كۇرەستەن كەيىن ازەربايجان قولىنا وتكەن ءتورتىنشى اۋدان ورتالىعى بولىپ قالادى. بۇل اۋدانداردىڭ ءبارى تاۋلى قاراباق ايماعىنان تىسقارى جايعاسقان.

Abai.kz