مەملەكەت باسشىسى قاسىم-جومارت توقاەۆ قازاقستاننىڭ مەملەكەتتىك رامىزدەرىن پايدالانۋ تۋرالى زاڭدىقايتا قاراۋ كەرەگىن ايتتى. بۇل تۋرالى ول ءوزىنىڭ تۆيتتەر جەلىسىندەگى پاراقشاسىندا جازدى. 

"پارلامەنتتىڭ بىرقاتار دەپۋتاتتارى مەن پاتريوت ازاماتتاردىڭ ەلىمىزدىڭ مەملەكەتتىك رامىزدەرىن، اتاپ ايتقاندا، قر مەملەكەتتىك تۋىن كەڭىنەن قولدانۋ تۋرالى ۇسىنىسىن قولدايمىن.

قولدانىستاعى زاڭنامادا تۋىمىزدى پايدالانۋعا قاتىستى شەكتەۋلەر بار. مىسالى، پاتەرلەردىڭ بالكونىنا نەمەسە ۇيلەردىڭ قابىرعاسىنا تۋ ىلۋگە تيىم سالىنعان. زاڭنامالىق جانە نورماتيۆتىك اكتىلەردى، ەڭ الدىمەن، مەملەكەتتىك رامىزدەردى پايدالانۋ قاعيدالارىن قايتا قاراۋ قاجەت", - دەدى پرەزيدەنت.

ايتا كەتەيىك، 2012 جىلى اتىراۋ تۇرعىنىنا اۆتوكولىككە قازاقستان تۋىن بايلاپ جۇرگەنى ءۇشىن 323 600 تەڭگە ايىپپۇل سالىنعان ەدى.

2015 جىلى ەلوردا تۇرعىندارىنا بالكونعا تۋ ىلگەنى ءۇشىن 400 مىڭ تەڭگەگە جۋىق ايىپپۇل سالىنعان.  سول كەزدە ەر ادام تۋ ءىلۋ پاتريوت ەكەنىن كورسەتۋدەگى ءداستۇرى ەكەنىن جانە ول مۇنى گەننادي گولوۆكيننىڭ كەزەكتى جەڭىسىنەن كەيىن ىلگەنىن ايتقان ەدى.

Abai.kz