قاس پەن كوزدىڭ، باۋىرىم، اراسىندا،
اسقاق كەۋدە سوڭىنا قاراسىن با؟
باسىم كەتىپ بارادى بىلەگىندە،
سانام كەتىپ بارادى ساناسىندا.

جاۋلاپ العان جانىمدى تالما كەشتە،
كەرەمەت كۇن كەشەگى قالمادى ەستە.
ەرنىم كەتىپ بارادى ەرىنىندە،
شايقالادى شاتتىعىم الما توستە.

كەش ۇعىنعان قادىرىن تىرەگىم بە،
سول قىز قازىر مۇراتىم، تىلەگىم دە.
كوزىم كەتىپ بارادى بۇرىمىندا،
ءوزىم كەتىپ بارامىن جۇرەگىندە.                     

وكىنىش

ەتەگىن سەزىم-كولدىڭ جەل ءتۇردىڭ بە،
جايلاردى كوز الدىما كەلتىردىڭ نە.
كۇيەۋگە شىعىپ كەتتىم دەگەنشە سەن،
ودان دا ماحابباتتى ءولتىردىم دە.

ءومىردىڭ سەزىپ-بىلگەن كۇيىس-كەمىن،
سالۋعا كىربىڭ جانعا ءتيىس پە ەدىڭ ؟.
سەزىممەن ەشكىم ءبىلىپ سەزبەيتۇعىن،
وزىڭمەن ءتۇستى ەسىمە سۇيىسكەنىم.

وتىردىق داريانىڭ جاعاسىندا،
(اشىلعان بال شاعىمنىڭ باعى وسىندا)
ەح، مەنىڭ ءولىپ تىنعان ماحابباتىم،
قاسىڭدى ايداي قيىق قاعاسىڭ با؟

جاعانىڭ قۇلاعانى بىلاي قالىپ،
داريا جىلجىپ اققان ىلايلانىپ.
وتىردىق سۋسىما قۇم ۇستىندە ءبىز،
تۇردى تەك ارامىزعا سىنا اي قاعىپ.

نەگە ءبىز جولىعىستىق ەرتە كەشتە،
جەلەڭ جەل نە جايلاردى شەرتەدى ەسپە.

ماحاببات ولسە ونىڭ تىرشىلىگى،
سابىنداي قامشىنىڭ كەلتە ەمەس پە؟

كەلەتىن نەبىر ويلار جەل تۇردىڭگە،
بەردىڭ سەن عاشىقتىقتىڭ ەركىن كىمگە؟!

قاس پەن كوزدىڭ، باۋىرىم، اراسىندا،
اسقاق كەۋدە سوڭىنا قاراسىن با؟
باسىم كەتىپ بارادى بىلەگىندە،
سانام كەتىپ بارادى ساناسىندا.

جاۋلاپ العان جانىمدى تالما كەشتە،
كەرەمەت كۇن كەشەگى قالمادى ەستە.
ەرنىم كەتىپ بارادى ەرىنىندە،
شايقالادى شاتتىعىم الما توستە.

كەش ۇعىنعان قادىرىن تىرەگىم بە،
سول قىز قازىر مۇراتىم، تىلەگىم دە.
كوزىم كەتىپ بارادى بۇرىمىندا،
ءوزىم كەتىپ بارامىن جۇرەگىندە.                     

وكىنىش

ەتەگىن سەزىم-كولدىڭ جەل ءتۇردىڭ بە،
جايلاردى كوز الدىما كەلتىردىڭ نە.
كۇيەۋگە شىعىپ كەتتىم دەگەنشە سەن،
ودان دا ماحابباتتى ءولتىردىم دە.

ءومىردىڭ سەزىپ-بىلگەن كۇيىس-كەمىن،
سالۋعا كىربىڭ جانعا ءتيىس پە ەدىڭ ؟.
سەزىممەن ەشكىم ءبىلىپ سەزبەيتۇعىن،
وزىڭمەن ءتۇستى ەسىمە سۇيىسكەنىم.

وتىردىق داريانىڭ جاعاسىندا،
(اشىلعان بال شاعىمنىڭ باعى وسىندا)
ەح، مەنىڭ ءولىپ تىنعان ماحابباتىم،
قاسىڭدى ايداي قيىق قاعاسىڭ با؟

جاعانىڭ قۇلاعانى بىلاي قالىپ،
داريا جىلجىپ اققان ىلايلانىپ.
وتىردىق سۋسىما قۇم ۇستىندە ءبىز،
تۇردى تەك ارامىزعا سىنا اي قاعىپ.

نەگە ءبىز جولىعىستىق ەرتە كەشتە،
جەلەڭ جەل نە جايلاردى شەرتەدى ەسپە.

ماحاببات ولسە ونىڭ تىرشىلىگى،
سابىنداي قامشىنىڭ كەلتە ەمەس پە؟

كەلەتىن نەبىر ويلار جەل تۇردىڭگە،
بەردىڭ سەن عاشىقتىقتىڭ ەركىن كىمگە؟!
كۇيەۋگە شىعىپ كەتتىم دەگەنشە سەن،
ودان دا ماحابباتتى ءولتىردىم دە.

***

جىلاپ تۇرار باسىمدا جەتى كەمپىر،
جارىق دۇنيە جارىعىم وشكەن كۇنى.
(ەرتەرەكتەگى ولەڭنەن).

مەزگىلسىزدەۋ ۇرىنعان كۇز لەبىنە،
قاراپ قايتقان قۇستاردىڭ تىزبەگىنە، -
جەتى بىردەي كەلىنشەك مەنى سۇيگەن،
قايدا ەكەن دەپ سول اقىن ىزدەدى مە؟

جەتەۋى دە قىز ەدى ءىلىپ الدى،
سو ءبىر كەزدىڭ شوعى ەمەس، كۇلى قالدى.
جەلدەي تۇرماس ۋىسقا ۋاقىت-اي،
قانشا قاپا قالدىردىم ءتىلى بالدى؟

بۇرىپ تۇرىپ بەتىمدى مايدا جەلگە،
سىر ايت دەگەم، سان قىزعا سايعا كەلدە.
ءولىپ-ءوشتى سوزىمە سەنىپ ولار،
جەلەڭ كوڭىل جەلىگىن جايمادى ەلگە.

دەپ جۇرەتىن جىگىتتەر سىرعاڭدى ىلەم،
قۇلپىرىپ قىزعالداقتاي تۇرعان كىلەڭ، -
جەتى بىردەي كەلىنشەك جەتى قىز ەڭ،
قاۋىنداي قازان ەرتە ۇرعان بىلەم.

***

سۋ بەتىندە سەكىلدى پەرى كۇلگەن،
ەلەس قاشتى قىرمىزى سەرى كۇننەن،-
ەرىنىمنەن ەرتەلەۋ سالقىن تيگەن،
ەمدە سونى ەركىن قىز ەرىنىڭمەن.

باياۋ ءتۇسىپ كەلەدى كەش قاباعى،
قايتالانباس وسى ءسات ەستى الادى.

جانارىڭدا جارقىلدى جالقىن بوياۋ،
جانارىمدا جيدەلى كوشتى الابى.

مەن ەمەسپىن جەلوكپە بوس ادامىڭ،
ارمانىڭدى ارمانعا قوسا الامىن.
قوسوبانىڭ بۇل كەزدە كۇنى وتكەن،
ءۇسىپ كەتكەن بولماسا قوس انارىڭ.

ەپيتافيا

و، اجال، بار دەرتىمە ءوزىڭ بە ەمىم،
جاي تاپتى جانىم سۇمدىق سەزىنگەنىم،-
قابىرىمنىڭ باسىندا جىلاپ تۇرعان،
قاي كەمپىرسىڭ، كورمەيدى كوزىم مەنىڭ.
«اباي-اقپارات»
رەدكاتسيادان: قۇرمەتتى وقىرمان، اقىن امانحان ءالىمۇلىنىڭ جاڭا ولەڭدەرى مەن قوعام، مەملەكەت، ۇلت، قازىرگى ىشكى-سىرتقى جاعدايلار تۋرالى ويلارىن بىلگىڭىز كەلسە، اقىن ءارى ءپۋبليتسيستىڭ 20 قاڭتار كۇنى ساعات 16:00-دە وتەتىن «ايتارىم بار...» اتتى اۆتورلىق كەشىنە كەلىڭىزدەر!
كەش قازاقستان جازۋشىلار وداعىنىڭ ادەبيەتشىلەر ۇيىندە وتەدى. مەكەن-جايى: ابىلاي حان داڭعىلى 105 ءۇي (تولە بي كوشەسىنىڭ قيىلىسى).