جۇما, 4 ءساۋىر 2025
3932 0 پىكىر 30 قازان, 2020 ساعات 13:06

«بولاشاق» باعدارلاماسىنىڭ 25 ستيپەندياتى اقشالارىن مەملەكەتكە قايتارادى

25 ادام «بولاشاق» ستيپەندياسىنان ايىرىلدى. بۇل تۋرالى حالىقارالىق باعدارلامالار ورتالىعىنىڭ پرەزيدەنتى اينۇر كاربوزوۆا مالىمدەدى. 

«شەتەلدە كادرلار دايارلاۋ جونىندەگى رەسپۋبليكالىق كوميسسيانىڭ كەزەكتى وتىرىسى ءوتتى. كوميسسيانىڭ كۇن تارتىبىندە ەكى ماسەلە بولدى. ءبىرىنشىسى كونكۋرستىق ىرىكتەۋدەن وتكەن ۇمىتكەرلەرگە «بولاشاق» حالىقارالىق ستيپەندياسىن تاعايىنداۋ تۋرالى، ەكىنشىسى  «بولاشاق« حالىقارالىق ستيپەندياسىنىڭ جەكەلەگەن يەلەرىن كەلىسىمشارت مىندەتتەمەسىن ورىنداماۋىنا بايلانىستى ودان ايىرۋ تۋرالى. كونكۋرستىق ىرىكتەۋدىڭ ەكى كەزەڭىنەن ساتتە وتكەن 57 ۇمىتكەرگە ستيپەنديا تاعايىندالدى»، – دەدى اينۇر كاربوزاۆا.

سونىمەن قاتار ول ەكىنشى ماسەلە بويىنشا كەلىسىمشارت مىندەتتەمەسىن ورىنداماعان 25 ستيپەندياتقا قاتىستى جان-جاقتى قارالىپ، ولاردى ستيپەنديادان ايىرۋ تۋرالى شەشىم قابىلدانعانىن اتاپ ءوتتى.

«ەكىنشى ماسەلەگە قاتىستى ايتار بولسام، اكادەميالىق باعدارلاما اياقتالعاننان كەيىن ماگيستر دارەجەسىن الماعان جانە وقۋىن اياقتاماعان ستيپەندياتتارعا قاتىستى بولدى. بۇگىنگى كوميسسيا مۇنداي 25 شەشىم شىعاردى. ولار كەلىسىمشارت مىندەتتەمەلەرىن ورىنداماعاندارى ءۇشىن شاكىرتاقىدان ايىرىلدى. ەندى ولارمەن مەملەكەت الدىنداعى بەرەشەكتەرىن وتەتۋ بويىنشا جۇمىس جۇرگىزىلەدى. اتالعان ازاماتتار وقۋلارىنا جۇمسالعان بارلىق شىعىندى وتەۋى ءتيىس»، – دەدى ول.

Abai.kz

0 پىكىر

ۇزدىك ماتەريالدار

46 - ءسوز

قايراۋلى قارا سەمسەر

ەسبولات ايدابوسىن 1460
انىق-قانىعى

ەۋروپاعا رەسەي اۋماعىنسىز شىعۋ جولى

اسحات قاسەنعالي 4182
46 - ءسوز

بىزگە بەيمالىم باراق حان

جامبىل ارتىقباەۆ 3064