بۇگىن كەشكى ساعات 17:00 دە ب.ريموۆا اتىنداعى تالدىقورعان دراما تەاترىندا ۇيعىر اۋدانىندا شىمىلدىعىن اشقان «قارادالا» حالىق تەاترى ا.قۇنانباەۆتىڭ پوەماسىنىڭ جەلىسىمەن «ەسكەندىر» قويىلىمىنىڭ پرەمەراسىنا ارنالعان پرەسس-كونفەرەنتسيا وتەدى.

ءىس-شاراعا قر حالىق ءارتيسى تۇعڭىشباي جامانقۇلوۆ، قر ەڭبەك سىڭىرگەن قايراتكەرى بەكجان تۇرىس، سونداي-اق الماتى وبلىسى ءماجىلىسىنىڭ دەپۋتاتى ىزعاربەك بەكتۇرسىنوۆ، قويۋشى-رەجيسسەر اسقار نايمانتاەۆ جانە اۋدان اكىمىنىڭ ورىنباسارى قادىرجان يساحانوۆ قاتىسادى.

مودەراتور – الماتى وبلىسى مادەنيەت، ارحيۆتەر جانە قۇجاتتاما باسقارماسىنىڭ باسشىسى كولباۆ مارلەن قاپاشۇلى.

«ەسكەندىر» - ابايدىڭ گۋمانيستىك كوزقاراسىن تەرەڭىرەك تانىتاتىن ەلەۋلى سيۋجەتتى تۋىندىسى. شىعارما شىعىستا ەسكەندىر زۇلقارنايىن دەگەن اتپەن بەلگىلى، ەۋروپادا الەكساندر ماكەدونسكي اتالاتىن ەجەلگى گرەك قولباسشىسىنىڭ ءومىرى جايىنداعى اڭىزعا قۇرىلعان.

اۆتور ەسكەندىردىڭ ومىرباياندىق دەرەكتەرىن ءدال كەلتىرەدى دە، ونىڭ دۇنيە ءجۇزىن جاۋلاپ الماق بولعان شاپقىنشىلىق ساياساتىن سىناۋعا اۋىسادى. پەسادا جاۋىزدىققا جەتەلەيتىن تويىمسىزدىق ەكەنىن كورسەتە كەلىپ، ادىلدىك، دانالىقتى سوعان قارسى قويادى.

سپەكتاكلدىڭ قويۋشى-رەجيسسەرى – اسقار نايمانتاەۆ.

پرەمەرا 18:30-دا ب.ريموۆا اتىنداعى تالدىقورعان دراما تەاترىندا وتەدى.

Abai.kz