قازاقستاندىق كاسىپكەر مارعۇلان سەيسەمباي «گوردون» ينتەرنەت-باسىلىمىنىڭ نەگىزىن قالاۋشى دميتري گوردونمەن بولعان سۇحباتىندا قىرىمدى ۋكراينا تەرريتورياسى دەپ سانايتىنىن ايتتى.

سەيسەمباي - گرۋزيانىڭ ەكس-پرەزيدەنتىنىڭ سەرىكتەسى، ۋكراينانىڭ رەفورمالار اتقارۋ كوميتەتىنىڭ باسشىسى ميحايل سااكاشۆيليدىڭ قاراپايىم شەشىمدەر مەن ناتيجەلەر كەڭسەسىندە جۇمىس ىستەيدى.

«مەنىڭ ويىمشا، قىرىم - بۇل ۋكراينانىڭ تەرريتورياسى، ءبىر كەزدەرى رەسەيدىڭ قۇرامىندا بولعان. بىراق كىمنىڭ قاي جەردە بولعانى ماڭىزدى ەمەس. بۇل ءۇشىن ءبىز، قازاقتار، رەسەيگە دە كوپ نارسەنى كورسەتە الامىز. ورىنبور بىزدىكى. تومسك تە بىزدىكى. وندا، سايىپ كەلگەندە، ەگەر ءسىز تۇرىكتەردى الساڭىز، تۇرىك قاعاناتى. قاي نارسەگە ءمان بەرۋگە بايلانىستى»، - دەدى سەيسەمباي.

سونىمەن بىرگە ول قازاقستان ءوزىنىڭ كورشىلەرىنە اۋماقتىق شاعىمدار ايتپايتىنىن جەتكىزدى. «ءبىزدىڭ وزبەكستانمەن دە اۋماقتىق ماسەلەلەرىمىز بار، بىراق ءبىز كورسەتپەيمىز...»، - دەدى قازاقستاندىق كاسىپكەر.

ول سونداي-اق «قىرىم - بۇل ۋكراينا، بۇل ءتىپتى تالقىلانبايدى» دەگەندى باسا ايتتى. جانە قازاقستان پرەزيدەنتى قاسىم-جومارت توقاەۆتىڭ قازاقستان بيلىگى 2014 جىلى قىرىمداعى وقيعالاردى اننەكسيا دەپ اتاعان جوق دەپ ايتقانىنىڭ سەبەبىن ءتۇسىندىردى.

«ال، ءسىز بىلەسىز بە، توقاەۆ مۇمكىن پاراديگماسىندا جۇمىس ىستەيدى. ول ساياساتكەر. ساياسات دەگەنىمىز مۇمكىندىكتىڭ ونەرى. بىراق مەن ساياساتكەر ەمەسپىن - مەن جەكە اداممىن»، - دەدى سەيسەمباي. ول رەسەيدىڭ ۋكرايناعا قارسى ارەكەتتەرىن اگرەسسيا دەپ باعالايتىنىن، بىراق رەسەيدى دۇشپان رەتىندە قابىلدامايتىنىن اتاپ ءوتتى.

«بۇل باۋىرلاس حالىق. ءبىز ءۇشىن رەسەي، ۋكرايندار - ءبارى دە باۋىرلاس حالىقتار. ال ءبىز ۋكراينا مەن رەسەي اراسىنداعى قاقتىعىستى قاراساق، ەكى باۋىرىڭ توبەلەسكەن سياقتى»، - دەدى سەيسەمباي.

رەسەي ۋكراينانى اسكەري بولىمدەرىنىڭ كۇشپەن بلوكاداسىنان جانە 2014 جىلدىڭ 16 ناۋرىزىنداعى زاڭسىز رەفەرەندۋمنان كەيىن قىرىمدى اننەكسيالادى. تۇبەكتىڭ رەسەيگە قوسىلۋىن ۋكراينا جانە الەمنىڭ كوپتەگەن ەلدەرى مويىندامايدى.

كەرىمسال جۇباتقانوۆ،

قازاق-ورىس حالىقارالىق ۋنيۆەرسيتەتىنىڭ دوتسەنتى، تاريح عىلىمدارىنىڭ كانديداتى

Abai.kz