بۇگىنگىمىزگە كوڭىلىمىز تولماعان ساتتەردە ەگەمەندىگىمىزدىڭ العاشقى جىلدارىن ەسكە الساق، تاۋبەمىزگە كەلەتىنىمىز انىق. تۇنەكتە تۇرتپەكتەنگەندەي بولساق تا، سول اۋىر شاقتىڭ دا ءوز قۋانىشى، ءوز جەتىستىكتەرى، ءومىر-وزەننىڭ ءوز باستاۋلارى بار بولاتىن. قازاقتىڭ قارادومالاقتارى قارسىلاسىنىڭ قابىرعاسىن قاقىراتىپ جۇرگەن سپورت ءتۇرى تاەكۆوندونىڭ ەلىمىزدە ەڭسەسىن تىكتەي باستاۋى دا سول توقسانىنشى جىلدارى ەدى. وسى سپورت ءتۇرىنىڭ وتىمەن كىرىپ، كۇلىمەن شىعىپ جۇرگەن  دوسىم، تاەكۆوندودان مەملەكەتتىك جاتتىقتىرۋشى ماقسۇت نارباەۆ بىلايشا ەمىرەنە ەسكە الادى.  

«اۋىلداعى اعايىندار مۇستافا دەسە اۋزىن اشىپ، كوزىن جۇمادى. قۇددى كۇش اتاسى قاجىمۇقان ءتىرىلىپ كەلگەن سياقتى. مۇستافا ەلىن كوپ كۇتتىرمەدى. قاسىنا المانيا جەرىندە ءوزى تاەكۆوندوعا باۋلىعان نويان جىگىتتەرىنە  نەمىس جۋرناليستەرىن قوسا ەرتىپ، قازاقستانعا كەلدى.
الماتى. تسيرك سارايى. مۇستافا باۋلىعان جىگىتتەر ونەرلەرىن  كورسەتتى. قيمىلدارىنا كوز ىلەسپەيدى. شەبەرلىكتەرى سونشالىق، قىلىشقا شانشىلعان المالاردى اياعىنا ءبىر سىزات تۇسىرمەي تەۋىپ قاق جارادى. ءۇش-ءتورت جىگىت ۇستاپ تۇرعان تاقتايلاردى جۇلدىزداي اعىپ كەلىپ، جان-جاققا جاڭقاداي جارىپ، ۇشىرادى. بۇرىن مۇنداي كەرەمەتتەردى كينودان عانا كورگەن جۇرتتىڭ ەسى شىعىپ كەتكەن.

بۇگىنگىمىزگە كوڭىلىمىز تولماعان ساتتەردە ەگەمەندىگىمىزدىڭ العاشقى جىلدارىن ەسكە الساق، تاۋبەمىزگە كەلەتىنىمىز انىق. تۇنەكتە تۇرتپەكتەنگەندەي بولساق تا، سول اۋىر شاقتىڭ دا ءوز قۋانىشى، ءوز جەتىستىكتەرى، ءومىر-وزەننىڭ ءوز باستاۋلارى بار بولاتىن. قازاقتىڭ قارادومالاقتارى قارسىلاسىنىڭ قابىرعاسىن قاقىراتىپ جۇرگەن سپورت ءتۇرى تاەكۆوندونىڭ ەلىمىزدە ەڭسەسىن تىكتەي باستاۋى دا سول توقسانىنشى جىلدارى ەدى. وسى سپورت ءتۇرىنىڭ وتىمەن كىرىپ، كۇلىمەن شىعىپ جۇرگەن  دوسىم، تاەكۆوندودان مەملەكەتتىك جاتتىقتىرۋشى ماقسۇت نارباەۆ بىلايشا ەمىرەنە ەسكە الادى.  

«اۋىلداعى اعايىندار مۇستافا دەسە اۋزىن اشىپ، كوزىن جۇمادى. قۇددى كۇش اتاسى قاجىمۇقان ءتىرىلىپ كەلگەن سياقتى. مۇستافا ەلىن كوپ كۇتتىرمەدى. قاسىنا المانيا جەرىندە ءوزى تاەكۆوندوعا باۋلىعان نويان جىگىتتەرىنە  نەمىس جۋرناليستەرىن قوسا ەرتىپ، قازاقستانعا كەلدى.
الماتى. تسيرك سارايى. مۇستافا باۋلىعان جىگىتتەر ونەرلەرىن  كورسەتتى. قيمىلدارىنا كوز ىلەسپەيدى. شەبەرلىكتەرى سونشالىق، قىلىشقا شانشىلعان المالاردى اياعىنا ءبىر سىزات تۇسىرمەي تەۋىپ قاق جارادى. ءۇش-ءتورت جىگىت ۇستاپ تۇرعان تاقتايلاردى جۇلدىزداي اعىپ كەلىپ، جان-جاققا جاڭقاداي جارىپ، ۇشىرادى. بۇرىن مۇنداي كەرەمەتتەردى كينودان عانا كورگەن جۇرتتىڭ ەسى شىعىپ كەتكەن.
كەزەك مۇستافانىڭ وزىنە كەلدى. كادىمگى ەكى پاراق قاعازدى ەكى پىشاقپەن تەسىپ، ءجۇزىن تومەن قاراتتى دا ورتاسىنا شىبىق ورناتتى. قولىنا قىلىش الدى. قاق بولمەك. قاعاز، ءجۇزى جالتىلداعان لوكەت پىشاقتار. ءسال سالماق تيسە تومەن قاراتىلعان جۇزىمەن قاعازدى ايىرىپ تاستايدى. ءسال سالماق بولسا. ال مىنا قازاق ورتاسىنا اعاش قويىپ، سونى قىلىشپەن قاق بولمەك. وۋ، ونداي مۇمكىن بە؟!
مىعىم دەنەلى جىگىت الداسپاندى قوس قولىمەن سىعىمداي قىسىپ، اۋادا ءبىراز كوتەرىپ تۇردى دا، جارق ەتكىزىپ سىلتەدى. قاعازعا ىلىنگەن شىبىق قاق ءبولىندى. پىشاققا وتكىزىلگەن قوس پاراق سول كۇيىندە قالدى.
ەلدىڭ قۋانعانىن-اي.  مۇستافانىڭ  شىن تالانت ەكەنىنە كوز جەتكىزدى. الەمدە مۇنداي شەبەرلىكتى مۇستافادان بولەك ورىنداي الاتىندار كەم-كەم ەكەن».
تاەكۆوندو - كورەي جەكپە-جەك ونەرى. نەگىزىنەن اياقپەن ايقاسادى. لوندونداعى وليمپياداعا قازاقستان سپورتشىلارى بۇگىن  ءۇش جولداما الىپ وتىر. بۇل كوپ پە، از با دەگەن سۇراققا كەلسەك، ازيا قۇرلىعىندا وزىندىك سپورتىنان ءۇمىت ۇكىلەگەن وڭتۇستىك كورەيا قۇراماسى عانا ءتورت جولداماعا يە.  وسى سپورتتى ەلىندە ەرەكشە دامىتىپ جاتقان يراننىڭ ءوزى ءۇش جولدامانى قاناعات تۇتۋدا. جۇرتتىڭ الدىندا بولۋدى كوكسەيتىن قىتايىڭىزدا دا سول ءۇش جولداما. 2004 جىلى وتكەن افينى وليمپياداسىنىڭ دوداسىنا ءبىزدىڭ  جالعىز عانا سپورتشىمىز ءادىلحان ساعىندىقوۆ قاتىسسا، 2008 جىلى بەيجىڭگە ەكى سپورتشىمىز قاتىسىپ،  ارمان شىلمانوۆ قولا مەدالدى توسكە تاقتى. لوندوننان دا قورجىنىمىز بوس قايتپاسىنا سەنىم مول.   
دوسىم ەسكە الىپ وتىرعان كەزدە تاەكۆوندو قازاققا عانا ەمەس، ءدۇيىم كەڭەس وداعىنا  دا تاڭسىق سپورت ەدى. رەسەيدە العاشقى جارىستار وتە باستاعان. قازاق، جالپى، جاۋىنگەر حالىق قوي. مىنا قىزىقتى قاراڭىز، رەسەيدىڭ تۇڭعىش چەمپيوناتىندا العاشقى  سالماق بويىنشا چەمپيوندىق اتاق  قازاققا تيەسىلى.  شاديار قوندىباەۆقا. قيىر شىعىستا، كەشەگى ءسىبىر حالىقتارى جەرىنە جولدامامەن بارىپ، جۇمىس جاساپ جاتقان  جىگىتكە. وڭتۇستىكتە ءساتباي جۇماباەۆ، مولديار ورازاليەۆ، سەرىكجان سەيىتجانوۆتار، ارقادا نۇرلان التىنبەكوۆ، كومەكباي قيزاتوۆتار مۇستافانىڭ جانىنان تابىلا بىلگەن جىگىتتەر. جانە مۇنداي ازاماتتار قازاقستاننىڭ بارلىق جەرىنەن اتويلاپ شىقتى، سپورتشىلارىن مۇستافاعا سەنىپ تاپسىردى. ولاردىڭ قاتارىندا احان بيحاەۆ، قايرات قىرعىزباەۆ، مۇرات تەمىرعاليەۆ، مۇستاحيم قابدراشەۆ، جاقسىبەك جۇنىسبەكوۆ، داۋلەت جۇندىباەۆ، سوۆەتحان ءالىمباي، يمانتاي ابەەۆتەر بولعانىن ۇلكەن قۇرمەتپەن ەسكە سالۋ كەرەك.
كەيىنىرەك قازاق سپورتشىلارىن  مۇستافا  تالاي حالىقارالىق جارىستارعا اپاردى. قازاق بايراعى تالاي مەملەكەتتەردە جەلبىرەدى. جاڭا سپورت ءتۇرىنىڭ اياعىنا تۇرىپ كەتۋىنە قازاقتىڭ قۋانىش تولەمەتوۆ، امالبەك تشانوۆ سياقتى  ءبىرتۋار ازاماتتارى اتسالىسسا، كورنەكتى سۋرەتشى، شىعىس جەكپە-جەگىنىڭ كانىگى شەبەرلەرىنىڭ ءبىرى، مارقۇم بەكسەيىت تۇلكيەۆ پەن اتاقتى بوكسشى سەرىك قوناقباەۆ سياقتى ازاماتتار  مۇستافامەن بىرگە ءجۇردى.  ولاردى ءبىر ارمان بىرىكتىردى: كۇنى كەشەگە دەيىن وزگەگە بودان بولىپ، موينىنداعى قامىتى ەندى الىنعان قازاقيانىڭ اتىن الەمگە ايگىلەۋ، داڭقىن شىعارۋ ەدى.
قازاقستان مۇستافانىڭ تاەكۆوندو الەمىندە ورنى ەرەك ەكەندىگىنە سوندا كوز جەتكىزدى. الەمدەگى تاڭداۋلى ماماندار ءيىلىپ تۇرىپ امانداسقاندا، داڭقتى قازاق ءۇشىن، قازاق جۇرتى ءۇشىن توبەمىز كوككە جەتە جازدايتىن.
سونداي مۇستافا دا تاريح بولىپ قالدى. اجال ارامىزدان ەرتە اكەتتى.
مۇنداي ادامدار تۋرالى ءولدى دەپ ايتۋعا بولمايدى. ارتتارىندا باتىرلىق باياندار قالدى. مۇستافا ءومىرى - قازاق جاستارىنا ۇلگى. ونىڭ جۇدىرىقتاي جۇرەگى ەلىم دەپ سوقتى. ءسال ساتسىزدىگىنە نالىدى، قازاق جەڭىسكە جەتسە، شات-شادىمەن بولىپ قۋاندى. قازاقستاننان المانياعا اتتانعاندا قولىنا قازاقتىڭ كيەلى دومبىراسىن ۇستاپ اتتاندى. ەۋروپانىڭ تورىندەگى ۇيىنەن قازاق كيەسى كەتپەسىن، قازاق ءيىسى شىعىپ تۇرسىن دەپ.
بۇگىندە جاستارعا ۇلگى قىلار ازاماتتاردى تاپپاي جاتاتىن ۋاقىتتار بولادى. قازاق جاستارىن پاتريوتيزم رۋحىندا تاربيەلەگىمىز كەلسە، مۇستافاداي ارداعىمىز دايىن تۇر. كوپ جازايىق، ەسكە الايىق، سان قىرلى قاسيەتتەرى تۋرالى اڭگىمەلەيىك. مۇستافاداي دارقان جۇرەكتى، ارىستانداي ايبارلى جىگىتتەر ەكى تۋا بەرمەيدى. مۇستافاعا تارتقان قازاق - ول مىقتى قازاق.

شامسات يسابەكوۆ،
قر تاەكۆوندو فەدەراتسياسىنىڭ پرەزيدەنتى،
قارا بەلبەۋ مەن ءVIى-دان يەگەرى،
ۇلتتىق وليمپيادا كوميتەتىنىڭ مۇشەسى
«جاس قازاق» گازەتى