وتكەن جىلى بەس جارىم جىلعا سوتتالعان سۇلەيمەنوۆ ازاتتىق تىلشىسىنە تۇرمەدەن بوساپ شىققانىن حابارلادى. ونىڭ ايتۋىنشا، ءتارتىبى جاقسى بولۋىنا بايلانىستى ونىڭ جازاسى جەڭىلدەتىلگەن.

قىلمىستى اتقارۋ جۇيەسىنىڭ دەپارتامەنتى مالىمەتتى راستادى.

الماتى وبلىسىنىڭ 37 جاستاعى تۇرعىنى ەسىم سۇلەيمەنوۆ — 2019 جىلى الماتى قالاسىنىڭ المالى اۋداندىق سوتىندا قارالعان ءىس بويىنشا سوتتالعانداردىڭ ءبىرى. بىلتىر 5 تامىزدا اۋداندىق سوت سەگىز سوتتالۋشىعا تۇرمە جازاسىن تاعايىندادى. سۇلەيمەنوۆ قىزىلوردا وبىلىسىنداعى جالپى رەجيمدەگى كولونياعا تۇسكەن.

توعىز كۇدىكتىنىڭ ءبىرى - جۇلدىزبەك تاۋىربەكوۆتىڭ الماتى قالالىق تەرگەۋ يزولياتورىندا دەنساۋلىعى ناشارلاپ، ەكىنشى توپتاعى مۇدەگەك ساناتىنا قوسىلۋىنا بايلانىستى، ونىڭ ءىسى جەكە وندىرىسكە الىنعان. بيىل 6 قاڭتاردا تاۋىربەكوۆ جەتى جىلعا سوتتالدى.

ءىس ماتەريالدارىنا سەنسەك، كۇدىكتىلەردىڭ ءبىرى WhatsApp مەسسەندجەرىندە توپ اشىپ، "تەرروريزم جانە سالافيزم يدەيالارىن ناسيحاتتاعان".

2019 جىلى تامىزدا قازاقستاندىق ادام قۇقىقتارىن قورعاۋشىلار نۇرعاليەۆتى، ساماتوۆتى، مىڭباسوۆتى، ۇمبەتاليەۆتى، ىسقاقوۆتى، ءادىلوۆتى، ءابدىراحمانوۆ پەن سۇلەيمەنوۆتى ءدىني سەنىمى ءۇشىن قۋدالانعاندار قاتارىنا قوستى.

Abai.kz