62 جاسقا تولعان شاعىندا قازاق حالقىنىڭ شىنايى دوسى، قازاقستاندىق بەلگىلى وقىمىستى، فيلوسوف، ەۋروپالىق تابيعي عىلىمدار اكادەمياسىنىڭ اكادەميگى، ەكونوميكا مەن سوتسيولوگيا بويىنشا  يتاليا اكادەمياسىنىڭ اكادەميگى، قازاقستاننىڭ پەداگوگيكا عىلىمدارى اكادەمياسىنىڭ جانە اقپاراتتاندىرۋ بويىنشا حالىقارالىق اكادەمياسىنىڭ اكادەميگى - كوچەنوۆ  ۆلاديمير گريگورەۆيچ دۇنيەدەن ءوتتى.
ل.ن.گۋميلەۆ اتىنداعى ەۋرازيا ۋنيۆەرسيتەتىنىڭ جانە م. قوزىباەۆ اتىنداعى سولتۇستىك قازاقستان ۋنيۆەرسيتەتىنىڭ قۇرمەتتى پروفەسسورى ۆلاديمير كوچەنوۆ اقمولا وبلىسىنىڭ بۇرىنعى ستالين اۋدانىنا قاراستى قىزىل توپىراق ورمان شارۋاشىلىعىنداعى اۋىلدا دۇنيەگە كەلدى.  مەكتەپ بىتىرگەن سوڭ م.ۆ.لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ گەولوگيا فاكۋلتەتىنە وقۋعا ءتۇسىپ، اسا كورنەكتى پالەونتولوگتار - اكادەميك ۆلاديمير مەننەر مەن گەولوگيا-مينەرولوگيا عىلىمدارىنىڭ دوكتورى ۆالەريان گروموۆتاردىڭ باسشىلىعىنداعى پالەونتولوگيا كافەدراسىندا مامانداندى.
كەيىنىرەك تۋريزم جانە سپورت اكادەمياسىن ءبىتىرىپ، سپورتتاعى جوعارعى جەتىستىكتەرگە ءتان پسيحولوگيانى زەردەلەدى جانە دە قازمۇۋدى جۋرناليستيكا ماماندىعى بويىنشا ءبىتىردى.

62 جاسقا تولعان شاعىندا قازاق حالقىنىڭ شىنايى دوسى، قازاقستاندىق بەلگىلى وقىمىستى، فيلوسوف، ەۋروپالىق تابيعي عىلىمدار اكادەمياسىنىڭ اكادەميگى، ەكونوميكا مەن سوتسيولوگيا بويىنشا  يتاليا اكادەمياسىنىڭ اكادەميگى، قازاقستاننىڭ پەداگوگيكا عىلىمدارى اكادەمياسىنىڭ جانە اقپاراتتاندىرۋ بويىنشا حالىقارالىق اكادەمياسىنىڭ اكادەميگى - كوچەنوۆ  ۆلاديمير گريگورەۆيچ دۇنيەدەن ءوتتى.
ل.ن.گۋميلەۆ اتىنداعى ەۋرازيا ۋنيۆەرسيتەتىنىڭ جانە م. قوزىباەۆ اتىنداعى سولتۇستىك قازاقستان ۋنيۆەرسيتەتىنىڭ قۇرمەتتى پروفەسسورى ۆلاديمير كوچەنوۆ اقمولا وبلىسىنىڭ بۇرىنعى ستالين اۋدانىنا قاراستى قىزىل توپىراق ورمان شارۋاشىلىعىنداعى اۋىلدا دۇنيەگە كەلدى.  مەكتەپ بىتىرگەن سوڭ م.ۆ.لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ گەولوگيا فاكۋلتەتىنە وقۋعا ءتۇسىپ، اسا كورنەكتى پالەونتولوگتار - اكادەميك ۆلاديمير مەننەر مەن گەولوگيا-مينەرولوگيا عىلىمدارىنىڭ دوكتورى ۆالەريان گروموۆتاردىڭ باسشىلىعىنداعى پالەونتولوگيا كافەدراسىندا مامانداندى.
كەيىنىرەك تۋريزم جانە سپورت اكادەمياسىن ءبىتىرىپ، سپورتتاعى جوعارعى جەتىستىكتەرگە ءتان پسيحولوگيانى زەردەلەدى جانە دە قازمۇۋدى جۋرناليستيكا ماماندىعى بويىنشا ءبىتىردى.
«ۆەچەرنيايا استانا» گازەتى  ۆلاديمير گريگورەۆيچ باسقارعان 11 جىل ىشىندە قر پرەزيدەنتىنىڭ باس جۇلدەسىن الىپ، قازاقستان جۋرناليستەر وداعى مەن قازاقستان جۋرناليستيكا اكادەمياسىنىڭ ماراپاتتارىنا يە بولدى. ول رۋحاني مۇرا رەتىندە جۇزدەن اسا عىلىمي جۇمىستاردى، سونىڭ ىشىندە 3 مونوگرافيا  مەن 2 وقۋلىق قۇرالى ەنگەن 20 كىتاپ قالدىردى.
ۆ. كوچەنوۆ قازاقستان حالقى اسسامبلەياسىنىڭ عىلىمي-ساراپتاما كەڭەسىنىڭ مۇشەسى بولدى، استانا قالالىق ورىس قاۋىمداستىعىنىڭ فيليالىن باسقاردى.
مەملەكەت الدىنداعى سىڭىرگەن ەڭبەگى ءۇشىن «قۇرمەت» وردەنى مەن قازاقستان رەسپۋبليكاسىنىڭ بىرنەشە توسبەلگىسىمەن، رەسەيدىڭ «دوستىققا قوسقان ۇلەسى ءۇشىن»  قۇرمەتتى بەلگىسىمەن ماراپاتتالدى.
پروفەسسور ۆ.گ.كوچەنوۆتىڭ شىعارماشىلىق ءومىربايانى تابيعي عىلىمدار بويىنشا ەۋروپالىق اكادەميا (گەرمانيا) ەنتسيكلوپەدياسىنا ەنگىزىلدى. 2006 جىلدان باستاپ ۆلاديمير كوچەنوۆ قازاق ەقجحس ۋنيۆەرسيتەتىنىڭ «فيلوسوفيا جانە سوتسيولوگيا» پروفەسسورى بولدى. ونىڭ عىلىمي مۇددەسى بارىنشا اۋقىمدى بولىپ: انتيكالىق فيلوسوفيا، عىلىمدار فيلوسوفياسى، ەتنوساياسات، شيرەكتىك پالەونتولوگيانى، ەكزيستەنتسيالدىق فيلوسوفيانى قامتىدى.
ول وقىعان «فيلوسوفيالار تاريحى» جانە «ساياساتتانۋ»، «تاريح پەن عىلىمدار فيلوسوفياسى» كۋرستارى ستۋدەنتتەر مەن ماگيسترانتتار اراسىندا ەرەكشە سۇرانىسقا ءتۇستى. اياۋلى ۆ.كوچەنوۆ تۇركى اكادەمياسىنىڭ اياسىندا ءىرى جوبانى جۇزەگە اسىرۋدى باستاپ كەتكەن ەدى.
ول - حالقىمىزعا دوستىق قولىن شىنايى ۇسىنعان ايتۋلى ازامات بولاتىن. كورنەكتى عالىم قولتاڭبا ىزدەرىن قازاقستاننىڭ ىرگەتاسىن بەكىتە تۇسكەن ساياسي قۇجات - «ەل بىرلىگى» دوكتريناسىن ازىرلەۋگە بەلسەنە قاتىسۋ بارىسىندا قالدىردى. ونىڭ سول ىسىمەن قازاقستان تاريحىنان اياۋلى بەينەسى ورىن الادى.

دوسمۇحامەت نۇر-احمەت
دوس كوشىم
ايدوس سارىم
سەرىك ەرعالي

"اباي-اقپارات" پورتالىنىڭ ۇجىمى