ونىڭ سوزىنشە، سادىر جاپاروۆ ەركىن ءباسپاسوز دەموكراتيالىق مەملەكەتتىڭ ءارى ونىڭ الەۋمەتتىك-ەكونوميكالىق دامۋىندا اجىراماس بولىگى بولىپ سانالادى.
"سوندىقتان كەيبىر مەديا ۇيىمداردىڭ قاۋىپتەنۋى نەگىزسىز. پرەزيدەنت مىندەتىن اتقارۋشى ەركىندىكپەن بىرگە جاۋاپكەرشىلىك بولۋى كەرەك دەپ ۇندەيدى. باق كەز كەلگەن تاقىرىپتى ەركىن ءارى شىنايى جەتكىزۋ كەرەك", - دەپ اتاپ ءوتتى ءباسپاسوز حاتشىسى.
ول 12 قاراشادا جاپاروۆتىڭ ءباسپاسوز ءماسليحاتىن وتكىزەتىنىن، جۋرناليستەردىڭ بارلىق سۇراعىنا جاۋاپ بەرۋگە دايىن ەكەنىن دە جەتكىزدى.
3 قاراشادا Region تەلەكانالىنا سۇقبات بەرگەن كەزدە سادىر جاپاروۆ ازاتتىق راديوسىنا قاتىستى ءوزىنىڭ سوزدەرىن بۇرمالاپ بەرەدى دەگەن پىكىر بىلدىرگەن. وسىدان كەيىن الەۋمەتتىك جەلىلەردە ازاتتىقتىڭ قىرعىز قىزمەتىنە قارسى ءتۇرلى ايىپتاۋلار مەن قاۋىپ توندىرەتىن اقپاراتتار كوبەيىپ كەتتى.
تاۋەلسىز مەديا ۇيىمدار مەن جۋرناليستەر وداعى جاپاروۆتىڭ بۇل مالىمدەمەسىنە قاتتى الاڭدايتىنىن جەتكىزگەن.
