قر سىرتقى ىستەر مينيسترلىگى تاۋلى قاراباقتاعى قاقتىعىسقا قاتىستى مالىمدەمەسى جاريالاندى. 

«ازەربايجان رەسپۋبليكاسى پرەزيدەنتىنىڭ، ارمەنيا رەسپۋبليكاسى پرەمەر-ءمينيسترىنىڭ جانە رەسەي فەدەراتسياسى پرەزيدەنتىنىڭ تاۋلى قاراباق قاقتىعىسى ايماعىنداعى اتىستى جانە بارلىق اسكەري ءىس-قيمىلداردى توقتاتۋ تۋرالى مالىمدەمەسىن جوعارى باعالايمىز.

قول جەتكىزىلگەن ۋاعدالاستىقتار بۇۇ قاۋىپسىزدىك كەڭەسىنىڭ قارارلارىنا سايكەس كەلەدى جانە تاۋلى قاراباق پروبلەماسىن رەتتەۋ ءۇشىن نەگىز بولا الادى.
وسى كەلىسىمگە قول جەتكىزۋدەگى رەسەي فەدەراتسياسىنىڭ سىندارلى ءرولىن جانە ونىڭ ۋاعدالاستىقتاردى ءىس جۇزىندە ىسكە اسىرۋعا باعىتتالعان بىتىمگەرشىلىك كۇش-جىگەرىن ەرەكشە اتاپ وتەمىز.

وسى كۇردەلى كەزەڭدە ازەربايجان مەن ارميان حالىقتارى بەرىك بەيبىتشىلىك پەن كەلىسىم ورناتۋ، وڭىردە قاۋىپسىزدىكتى قامتاماسىز ەتۋ ءۇشىن سەنىمدى ىرگەتاس قالاۋعا ۇمتىلاتىندارىنا ۇمىتتەنەمىز»,- دەلىنگەن حابارلامادا.

ايتا كەتەيىك، 10 قاراشاعا قاراعان ءتۇنى ارمەنيا پرەمەر-ءمينيسترى نيكول پاشينيان رەسەي جانە ازەربايجان پرەزيدەنتتەرىمەن تاۋلى قاراباقتاعى سوعىستى توقتاتۋ تۋرالى مالىمدەمەگە قول قويعانىن ايتتى.

Abai.kz