قازاقستان پرەزيدەنتى قاسىم-جومارت توقاەۆ رەسەي پرەزيدەنتى ۆ.پۋتينمەن تەلەفون ارقىلى سويلەسىپ، تاۋلى قاراباقتاعى جاعدايدى تالقىلادى.

قاسىم-جومارت توقاەۆ ازەربايجان مەن ارمەنيانىڭ قاقتىعىس ايماعىنداعى سوعىستى جانە بارلىق اسكەري قيمىلداردى توقتاۋ تۋرالى كەلىسىمگە كەلۋىندە رەسەيدىڭ، سونىڭ ىشىندە، ۆلاديمير ءپۋتيننىڭ ارااعايىندىق قىزمەتىن جوعارى باعالادى.

– رەسەيدىڭ بەلسەندى ارالاسۋىمەن وسىعان دەيىنگى ۇزاق جىلدارعا سوزىلعان قاقتىعىستاردىڭ ءبىر بىتىمگە كەلۋىن قامتاماسىز ەتەتىن تاۋلى قاراباقتاعى سوعىستى توقتاتۋ تۋرالى جاسالعان كەلىسىمنىڭ ماڭىزى زور. مۇددەلى تاراپتار بىرلەسكەن مالىمدەمەنىڭ شارتتارىن ساقتايدى دەپ ۇمىتتەنەمىن، – دەدى قاسىم-جومارت توقاەۆ.

سونداي-اق، مەملەكەت باسشىلارى قازاقستان مەن رەسەي اراسىنداعى ىنتىماقتاستىقتىڭ وزەكتى ماسەلەلەرىن تالقىلادى.

جانە ەكى ەلدىڭ حالىقارالىق ۇيىمدار مەن ينتەگراتسيالىق بىرلەستىكتەر شەڭبەرىندەگى ءوزارا ىقپالداستىعى تۋرالى پىكىر الماستى.

سونىمەن قاتار، پرەزيدەنتتەر قازاقستان مەن رەسەي اراسىنداعى ستراتەگيالىق جانە وداقتاستىق سيپاتىنداعى بايلانىستاردى ناقتىلادى.

Abai.kz