ۋكراينا پرەزيدەنتى ۆلاديمير زەلەنسكي مەن ونىڭ پرەزيدەنت ءوفيسى باسشىسى اندرەي ەرماك «فەوفانيا» اۋرۋحاناسىندا ەم قابىلداپ جاتىر. بۇل تۋرالى پرەزيدەنت ءوفيسى باسشىسىنىڭ كەڭەسشىسى ميحايل پودولياك ءمالىم ەتتى.

ونىڭ ايتۋىنشا، اۋرۋحانادا پرەزيدەنتتىڭ بەينەبايلانىس ارقىلى جينالىس وتكىزۋى ءۇشىن جابدىقتالعان ارنايى كابينەت بار.

«ول وقشاۋلانعان پالاتادا جاتىر. سايكەسىنشە وندا ارنايى بايلانىس ورنايتىلعان»، - دەپ اتاپ ءوتتى پودولياك.

ونىڭ ايتۋىنشا، ەرماكتىڭ جەكە وقشاۋلانعان پالاتاسى بار، بىراق ارنايى كابينەت ەمەس. «فەوفانيادان» پرەزيدەنت پەن ونىڭ كەڭسەسىنىڭ باسشىسى جۇمىسىن جالعاستىرۋدا.

«ولاردا ستاندارتتى كەستە بار. جالعىز شەكتەۋ – وقشاۋلاۋ، جانىندا ەشكىم جوق. ياعني كومەكشىلەردىڭ ەشقايسىسى پرەزيدەنتتىڭ نەمەسە كەڭسە باسشىسىنىڭ جانىندا ەمەس، ولار كوممۋنيكاتسيالىق وفلايندا»، - دەپ ءتۇسىندىردى ول.

ەسكە سالا كەتەيىك، 9 قاراشادا ۋكراينا پرەزيدەنتى ۆلاديمير زەلەنسكيگە COVID-19 دياگنوزى قويىلدى.

بۇعان دەيىن قازاقستان پرەزيدەنتى ۆلاديمير زەلەنسكيدىڭ تەزىرەك جازىلىپ كەتۋىنە تىلەكتەستىگىن بىلدىرگەن بولاتىن.

Abai.kz