قارجى مونيتورينگ كوميتەتى «TengriBank» اق بۇرىنعى باسشىلارىنا قاتىستى تەرگەۋ جۇمىستارىن جۇرگىزىپ جاتىر.

«قر قارجى مينيسترلىگى قارجى مونيتورينگ كوميتەتىنىڭ ەكونوميكالىق تەرگەۋ قىزمەتىنىڭ باسشىلىعىمەن قۇرىلعان ۆەدومستۆاارالىق جەدەل-تەرگەۋ توبى «TengriBank» اق بۇرىنعى باسشىلارىنا قاتىستى بانكتىڭ 5,4 ملرد تەڭگە قاراجاتىن جىمقىرۋ دەرەگى بويىنشا قىلمىستىق كودەكستىڭ 189-بابى 4-بولىگى 2 تارماعى (اسا ءىرى كولەمدە سەنiپ تاپسىرىلعان بوتەن مۇلiكتi يەمدەنiپ الۋ نەمەسە تالان-تاراجعا سالۋ) بويىنشا تەرگەۋ امالدارى جۇرگىزىلۋدە»، - دەلىنگەن حابارلامادا.

ءباسپاسوز قىزمەتىنىڭ اقپاراتىنا سايكەس، اعىمداعى جىلدىڭ 9 قاراشاسىندا الماتى قالاسى تەرگەۋ سوتىنىڭ سانكتسياسىمەن 2 ايعا دەيىن قاماۋعا الۋ بۇلتارتپا شاراسى:

- بانكتىڭ بۇرىنعى توراعاسىنىڭ ورىنباسارى باحتيار ءابدىنۇرۇلى يلياسوۆقا;

- بانكتىڭ الماتى قالالىق فيليالى باسشىسىنىڭ ورىنباسارى اسەت ءورىسبايۇلى جادىقوۆقا;

- بانك قىزمەتكەرلىرەنىڭ باقىلاۋىنداعى مەكەمە باسشىسى نازگۇل مامانشالقىزى جىلقىباەۆاعا (جالعان قۇجاتتار ارقىلى 3 ملن اقش دوللارى كولەمىندە قايتارىمسىز نەسيە العان) سانكتسيالاندى.

سوتقا دەيىنگى تەرگەۋ امالدارى جالعاسۋدا.

ەسكە سالساق، بۇعان دەيىن «TengriBank» اق باسشىلارىنىڭ بۇرىنعى ورىنباسارلارى ۇستالعانى تۋرالى حابارلانعان.

ال، 2020 جىلدىڭ 18 قىركۇيەگىندە قر قارجى نارىعىن رەتتەۋ جانە دامىتۋ اگەنتتىگى «Tengri Bank» اق-نى بارلىق بانك وپەراتسيالارىن جۇرگىزۋ ليتسەنزياسىنان ايىرۋ تۋرالى شەشىم قابىلداعان بولاتىن.

Abai.kz