تاقىرىپتىق نوميناتسيا: جاڭالىقتار، سۇحباتتار، ساراپتاما، تەندەر، كاسىپكەرلەرگە كەڭەس;
رەسۋرستىق ءتىل: قازاق، ورىس;
اشىلعان ۋاقىت: 2012 جىل;
باس رەداكتور: جاندوس بادەلۇلى;

تاقىرىپتىق نوميناتسيا: جاڭالىقتار، سۇحباتتار، ساراپتاما، تەندەر، كاسىپكەرلەرگە كەڭەس;
رەسۋرستىق ءتىل: قازاق، ورىس;
اشىلعان ۋاقىت: 2012 جىل;
باس رەداكتور: جاندوس بادەلۇلى;

http://kazbin.kz/  

اقپارات اگەنتتىگى! بۇل نە؟ ول نە بەرەدى؟
وقىعان-توقىعانى مول بىلىكتى ادامنىڭ ءوزى مەنەن ءدال وسىلاي سۇراسا تيتتەي دە نالىماس ەدىم. ويتكەنى اقپارات اگەنتتىكتەرىنىڭ قىزمەتى جالپى كوپشىلىككە ەتەنە تانىس ەمەس. بۇرىن ولار ءونىمىن گازەت جۋرنال، راديو، تەلەارنالار ارقىلى تاراتا الاتىن. ديپلوماتيالىق جەلىلەرگە بەرەتىن. باسقا مۇمكىندىكتەرى شەكتەۋلى ەدى.
بۇگىندە زامان باسقا، زاڭ باسقا. جوعارى تەحنولوگيا بۇقارالىق اقپارات قۇرالدارىنىڭ ومىرىنە تەرەڭدەپ ەنگەن سايىن جاعداي وزگەرىپ كەلەدى. ەندى اقپارات اگەنتتىكتەرى ءوز ونىمدەرىن عالامتور عالاماتى ارقىلى وقىرمانعا تىكەلەي جەتكىزە الاتىن بولدى. ودان بەرى دە ءبىراز جىل جىلجىپ ۇلگەرگەن. سويتسە دە اقپارات اگەنتتىكتەرى كوپشىلىك اراسىندا كەڭ قولدانىسقا ەنىپ كەتە المادى. باستى سەبەپ - قىزمەت كورسەتۋ قۇنىنىڭ وزگە باق تارعا قاراعاندا ايتارلىقتاي قىمباتتىعى. ارينە، بۇعان ەشبىر ارىپتەسىم جازىقتى ەمەس. باعانى ادام قويمايدى، نارىق بەلگىلەيدى. دەسە دە ءبىز وسى كەم كەتىكتى تولىقتىرار ءبىر جولدى تاپقاندايمىز. ءسويتىپ، بارىنشا قولجەتىمدى باعالاردى ۇسىنىپ وتىرمىز. سوندىقتان دا ءبىز، اسىرەسە، شاعىن جانە ورتا كاسىپكەرلىك نىساندارىنا اقپاراتتىق قىزمەت كورسەتۋگە ايرىقشا نازار اۋدارماقپىز.
بۇگىندە اقپارات اگەنتتىكتەرىنىڭ قىزمەتىنە قول جەتكىزە الماي وتىرعاندار دا نەگىزىنەن سولار. «گازەت جۋرنال باردا اقپارات اگەنتتىكتەرىنىڭ قاجەتى قانشا؟» دەيتىن سۇراقتىڭ دا كوكەيگە كەلەرى داۋسىز. بىرىنشىدەن، بۇل - ەڭ جەدەل اقپارات! ەكىنشىدەن، وتە قولايلى: ەفيردەگى جاڭالىقتاردىڭ ۋاقىتىن كۇتپەيسىز، كۇنىنە ءبىر مەزگىل قاتىنايتىن پوشتاشىنىڭ دا جولىن توسپايسىز، كەز كەلگەن جەردەن ءوز ەلەكتروندىق پوشتاڭىزدى اشىپ قالساڭىز جەتكىلىكتى... بۇعان KazBIN اقپارات اگەنتتىگىنىڭ ءسىزدىڭ بيزنەسىڭىزگە ناعىز كەرەك اقپاراتتى ىرىكتەپ ۇسىناتىنىن قوسىڭىز.
تاعى ءبىر ايتار ءسوز، بۇگىندە كاسىپكەرلىكتەگى اعايىن «انە، داعدارىس»، «مىنە، داعدارىس» دەگەننەن ءزارازاپ بولىپ ءبىتتى. ەگەر ءسىز وتاندىق ءھام الەمدىك نارىقتاعى اقپاراتتارعا قانىق بولساڭىز ارتىق الاڭداۋدىڭ ءجونى جوق.
ەندەشە، بىزبەن بىرگە بولىڭىز!
قۇرمەتپەن،
باس رەداكتور جاندوس بادەلۇلى