رەسەي ارااعايىندىعىمەن ءازىربايجان مەن ارمەنيا اراسىنداعى سوعىستى توقتاتۋ تۋرالى 10 قاراشادا جاسالعان كەلىسىم ارمياندارعا ۇلكەن كومەك بولىپ تۇرعانىنا قاراماستان دامەلەرى ۇلكەن سياقتى. وزدەرىنىڭ جەڭىلگەنىن مويىنداپ، بۇدان 28 جىل بۇرىن زاڭسىز باسىپ الىنعان ءازىربايجان اۋماعىن تولىقتاي قايتارىپ بەرۋدى ماقۇلداۋدىڭ ورنىنا جەڭىلگەندەرىنە نامىستانىپ بىرەسە اسپانعا سەكىرىپ، بىرەسە جەرگە ءتۇسىپ، ءولىپ-ءوشىپ جاتىر. نارازىلىق جاساپ، ۇكىمەت ءۇيى مەن پارلامەنت عيماراتىن باسىپ العان ۆيدەولارىنا قاراساڭىز ناعىز جابايى جۇرت دەرسىڭ. ءبارى پاشينياندى ىزدەپ ءجۇر.

الگىندە تاعى ءبىر ۆيدەو شىقتى: ءۇستى-باسى قان-قان پاشينياندى پوليتسيا سۇيەمەلدەپ بارادى. "وڭباعاندار، كابينەتىمدى تالقانداپ، كومپيۋتەرىمدى، ساعاتىمدى، زاتتارىمدى ۇرلاپ كەتىپتى" دەپ جاتقان كورىنەدى. وپپوزيتسياعا ءازىربايجان اسكەرىنىڭ قولىنان قازا بولعان 13 مىڭ سولداتى مەن جاساقشىلارى از بوپ تۇرعان سياقتى.

تاۋلى قاراباعقا "بىتىمگەرشىلىك ميسسيا" دەگەن جەلەۋمەن رەسەي اسكەرىنىڭ كىرگىزىلۋى ارمەنيانى زور اپاتتان ساقتاپ قالدى. بىراق كەلىسىمدە تاعدىرى شەشىلمەگەن "تاۋلى قاراباع" پروبلەماسى بۇل داعدارىستى تاعى بەس-ون جىلعا سوزىپ جىبەرەتىن بولدى. ءبىرىنشى پەتر زامانىنداعى قاپ تاۋىنىڭ كارتاسىندا ءازىربايجان ەلى بار، ال ارمەنيا مۇلدەم جوق. ءحىح عاسىردا يرانمەن ارادا بۋفەرلىك ءرول اتقارۋ ءۇشىن جان-جاقتان ءبىر ملن-داي حريستيان ارمياندار كوشىرىلىپ كەلىپ ءازىربايجانداردىڭ "يەريۆان حاندىعى" جەرىندە قولدان قۋىرشاق مەملەكەت جاسالعان. ويدان شىعارىلعان "تاۋلى قاراباع ءبىزدىڭ تاريحي جەرىمىز" دەگەن جاڭساق ەلەس ءالى دە تالاي ارميان جاستارىنىڭ باسىن جەيتىن سياقتى. ويتكەنى ارميانداردىڭ رەۆانشيستىك پيعىلى بۇركەمەلەنىپ تۇرعان جوق. ء"بىز ارميامىزدى كۇشەيتىپ مىقتى جۇدىرىققا اينالدىرۋىمىز كەرەك" دەيدى ولار. سوعان قاراعاندا قاقتىعىستاردىڭ كوكەسى ءالى الدا بولۋى ىقتيمال. ءارى ونداي اسكەري قاقتىعىس ورىن السا رەسەي اشىقتان اشىق ارمەنيا جاعىنا كومەكتەسەتىن بولادى.

ءازىربايجاندار بۇگىندە جەڭىسكە جەتتىك دەپ قۋانعاندارىمەن الدا ۇلكەن پروبلەمالار تۇر. سوندىقتان ازەري باۋىرلارعا اسكەري كۇش-قۋاتىن ارتتىرۋ مەن سوعىس جۇرگىزۋدىڭ جاڭا تاسىلدەرىن جەتىلدىرە بەرۋ وتە ماڭىزدى. كەز كەلگەن ساتتە ءتۇرلى ارانداتۋشىلىقتارعا كۇشپەن جاۋاپ بەرۋگە دايىن تۇرۋ قاجەت.

مارات ءبايدىلداۇلىنىڭ جازباسى

Abai.kz